Nuus24

Bekker op krukkelys vir stryd teen Reds

2012-04-16 10:17
Kaapstad – Die laerug-besering wat die Stormers se slot, Andries Bekker, verhoed het om verder te speel in die Super-rugbystryd teen die Crusaders, sal hom op die krukkelys hou vir Vrydag se kragmeting met die Reds in Brisbane.

Eben Etzebeth, wat ook Saterdag die veld moes verlaat, se skouerbesering is nie so ernstig as wat aanvanklik gevrees is nie en die slot behoort betyds fiks te wees vir Vrydag se wedstryd.

Die Reds, wat kwaai deur beserings geteister word en nie goed getoer het nie, is 'n ander span voor hul tuisskare en het die Stormers verlede jaar op Nuweland geklop.

Goeie nuus vir die Stormers is dat Gio Aplon en Nick Koster albei herstel het van beserings wat hulle op die kantlyn teen die Crusaders gehou het.

Vir die jongste sportnuus volg Nuus24Sport op Twitter.

Sport24
Lees meer oor:    andries bekker beserings reds stormers

Meer Berigte in Sport

«Terug