Die verdedigende Super14-kampioene het een van die beste dissiplinêre rekords in die kompetisie, meen die Reds se kaptein, Will Genia.
Ten spyte van twee geelkaarte in die wedstryd teen die Blues, het die Bulls hulle baie goed gedra wat dissipline betref.
In teenstelling hiermee, het die Reds tot dusver al ses geelkaarte ontvang, die meeste van al die Super14-spanne van vanjaar.
Maar die Reds moet nie onderskat word soos wat die Crusaders en Chiefs gedoen het toe hulle deur die Brisbane-span geklop is nie.
Daar is egter bekommernisse onder wanneer dit by dissipline kom, veral met Morné Steyn as teenstander wat al 149 punte met sy skopstewel ingewin het.
“Dissipline kan ons ondergang beteken en daar gaan baie aandag daaraan gegee moet word" het Genia gesê.
“Ons weet dat indien ons strafskoppe gaan afstaan, die Bulls dit tot hulle voordeel gaan gebruik.”
Genia het die komende wedstryd teen die rekordhouers as ‘n groot uitdaging bestempel.
“Hulle is defnitief die beste span in die kompetisie. Hulle kan rugby speel. Dit gaan ‘n groot toets vir ons wees, maar dit is ‘n uitdaging waarna ons uitsien.
-Sport24