Johannesburg – Elf mans en twee vroue is vir jaery op die N1-suid in hegtenis geneem, het die Johannesburgse metropolisie Sondag gesê.
"Hulle is Saterdagaand aangekeer nadat hulle oor die spoedbeperking van 120 km/h bestuur het," het hoof supt. Wayne Minnaar, 'n woordvoerder, gesê.
Een van die vroue in 'n Mini Cooper het 185 km/h gery.
"Diegene wat in hegtenis geneem is, is almal jongmense," het Minnaar gesê.
Hulle sal na verwagting Maandag in die Randburg-landdroshof verskyn.
– Volg Nuus24 op
Twitter.
SAPA
