Regter Frans Kgomo het nuwe borgtogvoorwaardes gestel, wat huisarres uitsluit.
Borgtog is op R200 000 gehou.
Agliotti se nuwe borgtogvoorwaardes is:
Hy moet by ‘n nuwe ondersoekbeampte kol. Pieter Van Heerden aanmeld;
ten alle tye op sy selfoon gekontak kan word;
die hof bywoon;
mag vir nuwe reisdokumente aansoek doen en mag slegs met Van Heerden se handgeskrewe toestemming na die buiteland reis.
Agliotti moet ook ‘n geskrewe reisplan aan Van Heerden oorhandig en moet hom in kennis stel as hy Gauteng of Ekurhuleni verlaat.
Voor dié beslissing gemaak is, het Laurence Mashiane, staatsaanklaer, aan die hof gesê Agliotti is ‘n hoofgetuie in die die verhoor van die voormalige polisiehoof Jackie Selebi en het nie "vrywaring" in daardie saak nie.
Adv. Laurence Hodes SC, Agliotti se regsverteenwoordiger, het aangevoer dat dit “ongrondwetlik” is om Agliotti vir vier jaar onder huisarres te hou.
Vroeër vanjaar is Agliotti se borgtog van R350 000 tot R200 000 verminder op voorwaarde dat hy die R150 000 op sy regskostes moet spandeer.
Sy borgtogvoorwaardes is ook verslap, wat hom toelaat om oorsee te reis.
Agliotti staan tereg op aanklag van moord, poging tot moord en twee aanklagte van sameswering om moord te pleeg.
Volg Nuus24 op Twitter