Ses immigrasiebeamptes en 'n beampte van die gesondheidsdepartement tel onder die staatsamptenare wat aangekeer is, het kapt. Paul Ramaloko, 'n woordvoerder, gesê.
Hulle het mense vir 'n fooi van R150 toegelaat om die land sonder dokumente binne te kom vanaf Lesotho.
"In party gevalle het taxibestuurders ook paspoorte by die grenspos afgelewer om gestempel te word om die verblyf van houers in Suid-Afrika te verleng, vir 'n fooi van R150," het hy gesê.
"Dit gebeur al 'n lang tyd. Die amptenare het meer as R100 000 per dag gemaak. In een geval het die amptenare R200 000 tussen hulle verdeel."
Mense sonder paspoorte het in busse by die grenspos opgedaag. 'n Polisiebeampte sou dan tussen R150 en R200 per passasier vra vir die bus om die land binne te kom.
Die polisie het R38 000 in die kattebak van een van die immigrasiebeamptes se motors gevind.
Die groep sal na verwagting Woensdag in die Fouriesburg-landdroshof verskyn.
– Volg Nuus24 op Twitter.