Publications
Partners
Johannesburg – Die internasionale sportdraghandelsmerk Nike het Donderdag geweier om kommentaar te lewer oor die maatskappy se toekomstige verhouding met die Paralimpiese atleet Oscar Pistorius ná hy na bewering in die vroeë oggendure sy vriendin, Reeva Steenkamp, by sy huis in Pretoria doodgeskiet het.
"Hierdie is 'n polisiesaak en word steeds ondersoek," het Seruscka Naidoo, woordvoerder vir Nike SA, gesê.
"Van Nike deel ons ons medelye met almal wat hierdeur geraak word."
Nike is een van Pistorius se vyf grootste borge. Hy het sedert 2008 in 'n paar advertensies van die maatskappy verskyn.
Intussen het die privaatuitsaaier M-Net aangekondig dat 'n advertensieveldtog waarin Pistorius verskyn op dié kanaal onttrek sal word.
Die advertensieveldtog, waarin die 26-jarige atleet saam met twee plaaslike komediante die komende Oscar-toekennings, wat op M-Net uitgesaai word, adverteer, het op 20 Januarie begin draai.
Lani Lombard, woordvoerder van M-Net, het Donderdagoggend bevestig dat die Oscar-advertensies onttrek gaan word.
“Uit respek vir die familie wat ‘n verlies gely het, gaan M-Net die volledige Oscar-advertensievedltog, wat Oscar Pistorius insluit, met onmiddellike effek onttrek,” het Lombard in 'n e-pos gesê.
Pistorius is tans in polisie-aanhouding, en sal Vrydag in die hof verskyn.
– Volg Nuus24 op Twitter.
"Hierdie is 'n polisiesaak en word steeds ondersoek," het Seruscka Naidoo, woordvoerder vir Nike SA, gesê.
"Van Nike deel ons ons medelye met almal wat hierdeur geraak word."
Nike is een van Pistorius se vyf grootste borge. Hy het sedert 2008 in 'n paar advertensies van die maatskappy verskyn.
Intussen het die privaatuitsaaier M-Net aangekondig dat 'n advertensieveldtog waarin Pistorius verskyn op dié kanaal onttrek sal word.
Die advertensieveldtog, waarin die 26-jarige atleet saam met twee plaaslike komediante die komende Oscar-toekennings, wat op M-Net uitgesaai word, adverteer, het op 20 Januarie begin draai.
Lani Lombard, woordvoerder van M-Net, het Donderdagoggend bevestig dat die Oscar-advertensies onttrek gaan word.
“Uit respek vir die familie wat ‘n verlies gely het, gaan M-Net die volledige Oscar-advertensievedltog, wat Oscar Pistorius insluit, met onmiddellike effek onttrek,” het Lombard in 'n e-pos gesê.
Pistorius is tans in polisie-aanhouding, en sal Vrydag in die hof verskyn.
– Volg Nuus24 op Twitter.
