Publications
Partners
Johannesburg – Dit blyk dat twee van Suid-Afrika se grootste sportverenigings onder dieselfde swendelaar in die Wes-Kaap deurgeloop het.
“Daar is ‘n bedrogspul wat rondgaan waar iemand namens die Proteas ‘n bespreking by ‘n restaurant maak en gewoonlik van die naam Paul Harris gebruik maak. Hy swendel die restaurant dan op verskeie maniere uit geld,” het Krieket Suid-Afrika (KSA) Maandag in ‘n verklaring gesê.
Die Suid-Afrikaanse Rugby-unie (Saru) het in Januarie ‘n soortgelyke verklaring uitgereik om homself te beskerm teen die swendelaar wat homself Craig Adams genoem het.
“Minstens twee instellings in Kaapstad is deur iemand wat voorgee dat hy die voorsitter van Saru se organiseringskomitee is, genader om besprekings vir groot groepe te maak,” het Saru gesê.
In een geval het ‘n restaurant in Kaapstad ‘n bespreking gekry vir ‘n ete vir 27 mense.
In ‘n ander voorval is ‘n bespreking vir 36 mense gemaak.
“Die Proteasspan is op die oomblik deur die land versprei en sal teen die einde van die week na Nieu-Seeland reis, so hulle is nie in ‘n posisie om enige spanbesprekings te maak nie,” het Owen-Smith gesê.
– Volg Nuus24 op Twitter
“Daar is ‘n bedrogspul wat rondgaan waar iemand namens die Proteas ‘n bespreking by ‘n restaurant maak en gewoonlik van die naam Paul Harris gebruik maak. Hy swendel die restaurant dan op verskeie maniere uit geld,” het Krieket Suid-Afrika (KSA) Maandag in ‘n verklaring gesê.
Die Suid-Afrikaanse Rugby-unie (Saru) het in Januarie ‘n soortgelyke verklaring uitgereik om homself te beskerm teen die swendelaar wat homself Craig Adams genoem het.
“Minstens twee instellings in Kaapstad is deur iemand wat voorgee dat hy die voorsitter van Saru se organiseringskomitee is, genader om besprekings vir groot groepe te maak,” het Saru gesê.
In een geval het ‘n restaurant in Kaapstad ‘n bespreking gekry vir ‘n ete vir 27 mense.
In ‘n ander voorval is ‘n bespreking vir 36 mense gemaak.
“Die Proteasspan is op die oomblik deur die land versprei en sal teen die einde van die week na Nieu-Seeland reis, so hulle is nie in ‘n posisie om enige spanbesprekings te maak nie,” het Owen-Smith gesê.
– Volg Nuus24 op Twitter
