Nuus24

Mandela Kersfees in die hospitaal

2012-12-24 15:30
Johannesburg – Oudpres. Nelson Mandela sal Oukersaand in die hospitaal deurbring, het die presidensie gesê.

Die presidensie het vroeër gesê Mandela reageer goed op behandeling nadat hy byna drie weke gelede in die hospitaal opgeneem is.

Die 94-jarige Mandela is op 8 Desember per helikopter vanaf Qunu in die Oos-Kaap na Pretoria gevlieg. Hy is behandel vir 'n herhalende longinfeksie en galstene.

Pres. Jacob Zuma het die ikoniese leier Saterdag in die hospitaal besoek en het Suid-Afrikaners gevra om vir Mandela te bid.

"Ons beroep op Suid-Afrikaners om aan te hou bid vir ons geliefde Madiba in die tydperk. Ons harte is saam met die hele gesin en familielede."
     
– Volg Nuus24 op Twitter
SAPA
Lees meer oor:    nelson mandela
«Terug