Kgosi Letlape, die waarnemende registrateur van die Raad vir Gesondheidsberoepe van Suid-Afrika (HPCSA), het in Pretoria gesê pasiënte ken nie altyd die volle omvang van hul regte nie.
Die raad is bekommerd oor die toename van klagtes oor die vereffening van pasiënte se rekeninge en “onbehoorlike verhoudinge” tussen pasiënte en mediese werkers.
“Onbehoorlike verhoudinge wissel van praktisyns wat op seksuele wyses aan pasiënte raak (tot) seksuele insinuasies en ander maniere waarop pasiënte geskend word,” het Letlape aan verslaggewers gesê.
Hy sê kliniese nalatigheid is ‘n ander wanpraktyk wat gereeld by die raad aangemeld word.
Ander klagtes wat die raad ook kry, hou verband met onbevoegdheid of té hoë tariewe.
“Hierdie veldtog... kan onetiese bedrywe uitlug en kan lei tot ‘n toename in die statistieke wat ons reeds het.”
Die raad is daarop gemik om die publiek te beskerm en om gesondheidspraktisyns riglyne te gee om te verseker hulle behou hoë standaarde van professionaliteit.
Geskrewe klagtes kan gratis aan die raad gestuur word.
– Volg Nuus24 op Twitter