Publications
Partners
Johannesburg – Thandi Modise, premier van die Noordwes, het gesê die mate waartoe Suid-Afrika se maatskaplike toelaagstelsel tienerswangerskap beïnvloed, moet ondersoek word.
"Die bydrae van die toelaagstelsel tot die fenomeen moet ondersoek word," het Modise in 'n verklaring gesê.
Modise het reageer op 'n berig in die Sowetan dat 'n skool in die provinsie die ouers van minstens 17 leerders gevra het om beskikbaar te wees indien hul dogters kraam.
"Indien nog kinders gebore word aan ouers wat gereed is en vir hulle kan sorg, sal daar 'n drastiese afname wees in 'n reeks maatskaplike probleme waardeur kinders in die gesig gestaar word," het Modise gesê.
Terwyl sosio-ekonomiese omstandighede bydra tot die hoë vlakke van tienerswangerskap, het Modise gesê daar is ander relevante faktore wat in ag geneem moet word.
"Dit bring my na die vraag, wie is die rolmodel? Wat is die impak van die wetgewing en wat is die rol van die familie deesdae?"
Sy het verder gesê tienerswangerskap het 'n negatiewe uitwerking op die bevryding van vroue en laat vra ontstaan oor Suid-Afrika se morele weefsel.
Indien onbeplande swangerskappe onder beheer gebring word, sal daar 'n afname wees in ander maatskaplike probleme, soos misdaad en kindermishandeling.
Bayanda Zenzile, woordvoerder vir die provinsie se onderwysdepartement, het vroeër aan die koerant gesê 17 leerders tussen die ouderdom van 14 en 18 jaar, is swanger by die Barolong Hoërskool in Mahikeng.
"Sommige ouers staan buite die skool, gereed om hul dogters by te staan," het Zenzile gesê.
Zenzile het gesê daar is egter ouers wat nie oor die nodige hulpbronne beskik om hul dogters by te staan nie.
'n Personeellid het gesê 'n leerder het reeds geboorte geskenk by die skool.
Sy het gesê swangerskappe bemoeilik 'n onderwyser se taak omdat die swanger skoolmeisies soms tydens eksamens aan die slaap raak.
– Volg Nuus24 op Twitter
"Die bydrae van die toelaagstelsel tot die fenomeen moet ondersoek word," het Modise in 'n verklaring gesê.
Modise het reageer op 'n berig in die Sowetan dat 'n skool in die provinsie die ouers van minstens 17 leerders gevra het om beskikbaar te wees indien hul dogters kraam.
"Indien nog kinders gebore word aan ouers wat gereed is en vir hulle kan sorg, sal daar 'n drastiese afname wees in 'n reeks maatskaplike probleme waardeur kinders in die gesig gestaar word," het Modise gesê.
Terwyl sosio-ekonomiese omstandighede bydra tot die hoë vlakke van tienerswangerskap, het Modise gesê daar is ander relevante faktore wat in ag geneem moet word.
"Dit bring my na die vraag, wie is die rolmodel? Wat is die impak van die wetgewing en wat is die rol van die familie deesdae?"
Sy het verder gesê tienerswangerskap het 'n negatiewe uitwerking op die bevryding van vroue en laat vra ontstaan oor Suid-Afrika se morele weefsel.
Indien onbeplande swangerskappe onder beheer gebring word, sal daar 'n afname wees in ander maatskaplike probleme, soos misdaad en kindermishandeling.
Bayanda Zenzile, woordvoerder vir die provinsie se onderwysdepartement, het vroeër aan die koerant gesê 17 leerders tussen die ouderdom van 14 en 18 jaar, is swanger by die Barolong Hoërskool in Mahikeng.
"Sommige ouers staan buite die skool, gereed om hul dogters by te staan," het Zenzile gesê.
Zenzile het gesê daar is egter ouers wat nie oor die nodige hulpbronne beskik om hul dogters by te staan nie.
'n Personeellid het gesê 'n leerder het reeds geboorte geskenk by die skool.
Sy het gesê swangerskappe bemoeilik 'n onderwyser se taak omdat die swanger skoolmeisies soms tydens eksamens aan die slaap raak.
– Volg Nuus24 op Twitter
