Publications
Partners
Durban – Die Paralimpiese atleet Oscar Pistorius se moordverhoor gaan die staat waarskynlik meer as R50 miljoen kos, het kenners gesê.
Pistorius word daarvan beskuldig dat hy sy vriendin, die model Reeva Steenkamp, op Valentynsdag in sy huis in die ooste van Pretoria vermoor het. Hy is verlede maand borgtog van R1 miljoen toegestaan en sal op 4 Junie weer in die hof verskyn.
Die atleet het top-advokate en vooraanstaande kenners aangestel om sy saak te beveg.
'n Bron het aan die Sunday Tribune gesê die saak sal waarskynlik in die Noord-Gautengse hooggeregshof in Pretoria aangehoor word.
"Dit is onmoontlik om te sê watter regter die saak sal aanhoor, maar die regterpresident sal waarskynlik 'n regter met ervaring in hoëprofiel-sake aanstel."
Die bron, wat na aan die nasionale vervolgingsgesag (NVG) is, het die saak weens die aard van die misdaad as "kompleks" beskryf.
"Dit gaan van die begin af nie 'n eenvoudige saak wees nie, hoofsaaklik omdat die regskwessies in die saak baie ingewikkeld is. Dit is behalwe die feit dat daar toenemende aandag van internasionale en plaaslike media is, wat die saak moeilik maak om te hanteer.
"Die regskostes van die borgtogaansoek was meer as R1 miljoen, as mens in ag neem watter hulpbronne die staat in terme van advokate, kenners en forensiese toetse ingespan het. Dié kostes gaan veel minder wees as die totale prys van die verhoor, wat meer as R50 miljoen kan wees."
Medupi Simasiku, woordvoerder van die NVG, wou nie kommentaar lewer nie.
"Ons het besluit om nie kommentaar te lewer oor die verhoor nie. Dit is 'n sensitiewe saak wat baie aandag gekry het en enige inligting wat in die stadium uitgereik word, kan slegs nadelig wees."
– Lees meer hier
– Volg Nuus24 op Twitter
Pistorius word daarvan beskuldig dat hy sy vriendin, die model Reeva Steenkamp, op Valentynsdag in sy huis in die ooste van Pretoria vermoor het. Hy is verlede maand borgtog van R1 miljoen toegestaan en sal op 4 Junie weer in die hof verskyn.
Die atleet het top-advokate en vooraanstaande kenners aangestel om sy saak te beveg.
'n Bron het aan die Sunday Tribune gesê die saak sal waarskynlik in die Noord-Gautengse hooggeregshof in Pretoria aangehoor word.
"Dit is onmoontlik om te sê watter regter die saak sal aanhoor, maar die regterpresident sal waarskynlik 'n regter met ervaring in hoëprofiel-sake aanstel."
Die bron, wat na aan die nasionale vervolgingsgesag (NVG) is, het die saak weens die aard van die misdaad as "kompleks" beskryf.
"Dit gaan van die begin af nie 'n eenvoudige saak wees nie, hoofsaaklik omdat die regskwessies in die saak baie ingewikkeld is. Dit is behalwe die feit dat daar toenemende aandag van internasionale en plaaslike media is, wat die saak moeilik maak om te hanteer.
"Die regskostes van die borgtogaansoek was meer as R1 miljoen, as mens in ag neem watter hulpbronne die staat in terme van advokate, kenners en forensiese toetse ingespan het. Dié kostes gaan veel minder wees as die totale prys van die verhoor, wat meer as R50 miljoen kan wees."
Medupi Simasiku, woordvoerder van die NVG, wou nie kommentaar lewer nie.
"Ons het besluit om nie kommentaar te lewer oor die verhoor nie. Dit is 'n sensitiewe saak wat baie aandag gekry het en enige inligting wat in die stadium uitgereik word, kan slegs nadelig wees."
– Lees meer hier
– Volg Nuus24 op Twitter
