Johannesburg – ‘n Polisiesersant is ten aanskoue van sy 10-jarige seun in Hercules, Pretoria, doodgeskiet, het die polisie in Gauteng Woensdag gesê.
Volgens kapt. Agnes Huma het twee mans sers. Bruwer Smit en sy seun aangeval terwyl hulle Dinsdagmiddag in ‘n veld naby die Mabopane-snelweg met hul bergfietse gery het.
Die aanvallers het Smit se tekkies en beide fietse gesteel.
Smit is op die toneel dood.
Die seun het daarin geslaag om weg te kom en het na die snelweg gehardloop waar hy ‘n motor voorgekeer het.
Brig. André Wiese, Smit se vorige bevelvoerder, het aan
Beeld gesê Smit was een van die beste polisiebeamptes saam met wie hy nog ooit gewerk het.
– Volg Nuus24 op
Twitter
SAPA
