Publications
Partners
Kaapstad – Die kettinggroep Woolworths het besluit om sy Facebook-blad vir kommentaar te sluit weens 'n stortvloed negatiewe en neerhalende kommentaar, het The New Age Sondag berig.
“Die besluit om ons Facebook-blad [vir kommentaar] te sluit is nie een wat ligtelik geneem is nie en dis ook nie een waaroor ons juis gelukkig is nie,” het die maatskappy gesê.
“Maar wanneer jou blad niks meer word as 'n platform vir 'n goed-georganiseerde veldtog van haatspraak nie, is ons dit ons kliënte verskuldig om hulle nie te onderwerp aan sulke bitterheid in ons eie huis nie,” het die verklaring gelui.
Die maatskappy het die afgelope week onder skerp kritiek oor sy indiensnemingsbeleid deurgeloop ná mediabronne berig het advertensies vir van die maatskappy se poste is net op sekere rassegroepe gemik.
Woolworths het in antwoord op die bewerings advertensies in verskeie Sondag-koerante geplaas.
"Die afgelope dae is daar baie oor ons indiensnemingsbeleid gesê – spesifiek dat ons nie wit mense aanstel nie. Dit is eenvoudig nie waar nie," het advertensies wat Sondag in City Press, Rapport en die Sunday Times gepubliseer is, gelui.
"Woolworths stel wel wit mense aan. Ons stel vroue en mans van alle rasse aan – wit, swart, kleurlinge, Indiërs, asook mense met gestremdhede, en sal voortgaan om dit te doen.
"Want soos al Suid-Afrika se belangrikste en grootste maatskappye, is ons toegewyd aan transformasie," het die advertensies gelui.
– Lees hier meer.
– Volg Nuus24 op Twitter.
“Die besluit om ons Facebook-blad [vir kommentaar] te sluit is nie een wat ligtelik geneem is nie en dis ook nie een waaroor ons juis gelukkig is nie,” het die maatskappy gesê.
“Maar wanneer jou blad niks meer word as 'n platform vir 'n goed-georganiseerde veldtog van haatspraak nie, is ons dit ons kliënte verskuldig om hulle nie te onderwerp aan sulke bitterheid in ons eie huis nie,” het die verklaring gelui.
Die maatskappy het die afgelope week onder skerp kritiek oor sy indiensnemingsbeleid deurgeloop ná mediabronne berig het advertensies vir van die maatskappy se poste is net op sekere rassegroepe gemik.
Woolworths het in antwoord op die bewerings advertensies in verskeie Sondag-koerante geplaas.
"Die afgelope dae is daar baie oor ons indiensnemingsbeleid gesê – spesifiek dat ons nie wit mense aanstel nie. Dit is eenvoudig nie waar nie," het advertensies wat Sondag in City Press, Rapport en die Sunday Times gepubliseer is, gelui.
"Woolworths stel wel wit mense aan. Ons stel vroue en mans van alle rasse aan – wit, swart, kleurlinge, Indiërs, asook mense met gestremdhede, en sal voortgaan om dit te doen.
"Want soos al Suid-Afrika se belangrikste en grootste maatskappye, is ons toegewyd aan transformasie," het die advertensies gelui.
– Lees hier meer.
– Volg Nuus24 op Twitter.
