Publications
Partners
Kaapstad – Kort na ‘n uitstekende openingsnaweek by die loket in Suid-Afrika, het die Suid-Afrikaanse romantiese komedie Fanie Fourie's Lobola ‘n gesogte internasionale prys gewen.
Die rolprent het die gehoortoekenning by die 19de Sedona Internasionale Filmfees in Arizona gewen vir die beste komedie.
Die filmfees word van 23 Februarie tot 3 Maart gehou.
Sedona het vanjaar 145 rolprente gewys.
“Om die gehoortoekenning vir beste komedie by Sedona te wen met die vlak van kompetisie wat hier is, is ‘n groot pluimpie vir Fanie Fourie's Lobola,” het die rolprent se vervaardigers, Lance Samuels en Kweku Mandela van Out of Africa Entertainment, gesê.
“Hierdie fees word hoog geag en die gehoortoekenning word beskou as een van die mees gesogte toekennings.”
Dit is die tweede gehoortoekenning wat die rolprent wen, na dit in Februarie by die Jozi-rolprentfees in Johannesburg ook gewen het.
Die skrywer en regisseur Henk Pretorius beskryf sy film as ’n eietydse Suid-Afrikaanse romantiese komedie.
Die karakter Fanie woon saam met sy ma en bou motors in die vorm van Afrikadiere.
Hy word uitgedaag om Dinky Magubane na sy broer se troue te neem. Sy stem in, maar dan moet hy voorgee dat hy haar kêrel is sodat haar tradisionele pa haar nie meer onder druk sal plaas om te trou nie.
Die tweetjies raak egter smoorverlief, tot groot ontsteltenis van hul onderskeie families.
Pretorius is bekend vir die groot treffers Bakgat! en Bakgat! 2.
Fanie Fourie's Lobola het op 1 Maart landswyd in teaters begin wys.
– Volg Nuus24 op Twitter
Die rolprent het die gehoortoekenning by die 19de Sedona Internasionale Filmfees in Arizona gewen vir die beste komedie.
Die filmfees word van 23 Februarie tot 3 Maart gehou.
Sedona het vanjaar 145 rolprente gewys.
“Om die gehoortoekenning vir beste komedie by Sedona te wen met die vlak van kompetisie wat hier is, is ‘n groot pluimpie vir Fanie Fourie's Lobola,” het die rolprent se vervaardigers, Lance Samuels en Kweku Mandela van Out of Africa Entertainment, gesê.
“Hierdie fees word hoog geag en die gehoortoekenning word beskou as een van die mees gesogte toekennings.”
Dit is die tweede gehoortoekenning wat die rolprent wen, na dit in Februarie by die Jozi-rolprentfees in Johannesburg ook gewen het.
Die skrywer en regisseur Henk Pretorius beskryf sy film as ’n eietydse Suid-Afrikaanse romantiese komedie.
Die karakter Fanie woon saam met sy ma en bou motors in die vorm van Afrikadiere.
Hy word uitgedaag om Dinky Magubane na sy broer se troue te neem. Sy stem in, maar dan moet hy voorgee dat hy haar kêrel is sodat haar tradisionele pa haar nie meer onder druk sal plaas om te trou nie.
Die tweetjies raak egter smoorverlief, tot groot ontsteltenis van hul onderskeie families.
Pretorius is bekend vir die groot treffers Bakgat! en Bakgat! 2.
Fanie Fourie's Lobola het op 1 Maart landswyd in teaters begin wys.
– Volg Nuus24 op Twitter
