Castro sal Donderdag sy eerste hofverskyning maak. Hy sal teregstaan op vier aanklagte van ontvoering en drie van verkragting. Een van die ontvoer-klagte hou verband met die sesjarige dogtertjie wat ook in die huis gevind is. Sy is tydens haar ma se aanhouding gebore.
Castro se twee broers is ook deur die polisie ondervra, maar slegs hy sal in hierdie stadium aangekla word.
Brian Cummins, 'n raadslid in die gebied, het gesê baie van die besonderhede rakende die saak is nog onduidelik, insluitend die aantal swangerskappe en wat tot die miskrame aanleiding gegee het.
Hy het gesê die vroue is lank in die huis se onvoltooide kelder aangehou, sonder dat hulle toegang tot die res van die huis gehad het. Hulle is na bewering met kettings en toue vasgemaak.
"Dit klink nogal grusaam," het Cummins gesê.
Intussen is twee van die drie vroue wat vandeesweek gered is, met hulle families herenig. Die derde slagoffer is steeds in 'n hospitaal.
Amanda Berry (27), haar 6-jarige dogter en Gina DeJesus (23) is Woensdag met hulle families herenig. Berry het egter nie die media se vrae beantwoord nie.
– Volg Nuus24 op Twitter.