Meg Strange was saam met ‘n vriendin by ‘n kafee naby Muriwai-strand in die weste van Auckland toe hulle gehoor het daar was ‘n haai-aanval in die omgewing, het die New Zealand Herald berig.
Mev. Strange het haar man, Adam, probeer kontak. Sy het gedink hy is op die strand nadat hy geswem het.
Sy het geen antwoord gekry nie en haar vriendin het ‘n SMS aan Tim Jago, voorsitter van die Muriwai-lewensreddingsdiens, gestuur.
“Ek het die SMS gekry wat sê ‘Ek hoor daar was ‘n haai-aanval’,” het Jago aan die Herald gesê.
“Ek het geantwoord, ‘Ja, ek is nou op die strand.’ Sy het gesê, ‘Ek drink koffie saam met Meg. Sy kry nie vir Adam in die hande nie.’
“En ek moes ‘n SMS terugstuur wat sê, ‘Dit was Adam.’ Dit is hoe vinnig dit gebeur het.”
Mev. Strange het Donderdag teruggekeer na Muriwai-strand vir ‘n gedenkdiens vir haar man, ‘n pa van twee.
– Lees meer hier.
– Volg Nuus24 op Twitter