Hanoi – 'n Man is in die suide van Viëtnam in hegtenis geneem nadat hy glo 'n vriend vermoor het om sy geld te steel, het owerhede Dinsdag gesê.
Die 23-jarige Tran Manh Luan wou glo sy dobbelskuld betaal met die geld wat hy na bewering gesteel het, het Bui Thanh Son, 'n polisiebeampte in die Dong Nai-provinsie, gesê.
Luan het erken dat hy sy motorfiets verkoop het om 'n weddenskap te maak vir Sondag se wedstryd tussen Spanje en Italië. Hy het voorspel dat Spanjé die wedstryd sou wen. Die spanne het egter gelykop gespeel en Luan het 1 miljoen dong (sowat R400) verloor.
Hy het oornag by 'n vriend oorgeslaap en dié vriend in sy slaap doodgesteek en drie miljoen dong (sowat R1 200), wat in die huis was, gesteel.
Die slagoffer het probeer om te vlug, maar hy het by die hek aan sy wonde beswyk.
Luan is Maandagoggend in hegtenis geneem en staan tereg op aanklag van moord.
– Volg Nuus24 op
Twitter
Sapa-DPA
