Publications
Partners
Broken Monsters deur Lauren Beukes. Uitgewer: Umuzi. Prys: R200. Resensent: Kay-Ann van Rooyen
* Broken Monsters is ook beskikbaar op Kalahari.com en as ’n e-boek teen R101.
Broken Monsters se inspekteur Gabriela (Gabi) Versado en haar span van die Detroit-polisie het ’n ongewone moordsaak om op te los. Die halwe liggaam van ’n seun wat hulle vind, is geheg aan die halwe karkas van ’n witstert-hert. Dan vind hulle ’n tweede lyk en ’n derde, albei fisiek verander, asof die moordenaar ’n kunswerk wou skep.
Gabi is die ma van ’n tienerdogter, Layla, wat saam met ’n vriendin in internet-kletskamers rondhang en probeer om ’n pedofiel aan die kaak te stel.
Die storie is in ’n kort, afgebete styl geskryf, met skerp waarnemings en slim woordkeuses. Daar is geen onnodige gegorrel nie; elke woord tel. Galgehumor skep ’n goeie ewewig vir die gruwels.
Die karakters is oortuigend, grootliks danksy Beukes se talent vir treffende dialoog. En niemand is net goed of net boos nie; selfs die pedofiel word nie as ’n blote monster uitgebeeld nie.
Daar is eintlik drie milieus wat oorvleuel in die boek: die tradisionele wêreld waarin die speurders werk; die kuberruimte waarin die twee tieners en ’n blogger beweeg; en die droomwêreld, die onderbewussyn. Dis by laasgenoemde waar my enigste punt van kritiek lê: Ek het hierdie aspek van die verhaal effens verwarrend gevind. Dis nietemin ’n boek wat ek almal aanraai om te lees.
* Lees 'n onderhoud met Lauren Beukes hier.
* Broken Monsters is ook beskikbaar op Kalahari.com en as ’n e-boek teen R101.
Broken Monsters se inspekteur Gabriela (Gabi) Versado en haar span van die Detroit-polisie het ’n ongewone moordsaak om op te los. Die halwe liggaam van ’n seun wat hulle vind, is geheg aan die halwe karkas van ’n witstert-hert. Dan vind hulle ’n tweede lyk en ’n derde, albei fisiek verander, asof die moordenaar ’n kunswerk wou skep.
Gabi is die ma van ’n tienerdogter, Layla, wat saam met ’n vriendin in internet-kletskamers rondhang en probeer om ’n pedofiel aan die kaak te stel.
Die storie is in ’n kort, afgebete styl geskryf, met skerp waarnemings en slim woordkeuses. Daar is geen onnodige gegorrel nie; elke woord tel. Galgehumor skep ’n goeie ewewig vir die gruwels.
Die karakters is oortuigend, grootliks danksy Beukes se talent vir treffende dialoog. En niemand is net goed of net boos nie; selfs die pedofiel word nie as ’n blote monster uitgebeeld nie.
Daar is eintlik drie milieus wat oorvleuel in die boek: die tradisionele wêreld waarin die speurders werk; die kuberruimte waarin die twee tieners en ’n blogger beweeg; en die droomwêreld, die onderbewussyn. Dis by laasgenoemde waar my enigste punt van kritiek lê: Ek het hierdie aspek van die verhaal effens verwarrend gevind. Dis nietemin ’n boek wat ek almal aanraai om te lees.
* Lees 'n onderhoud met Lauren Beukes hier.
