Publications
Partners
Die wonder van die goddelike liefde deur Chris van der Merwe. Uitgewer: Lux Verbi. Prys: R160. Resensent: Jean Oosthuizen
Ons almal se lewe word deur waardes bepaal.
Die skaal waarop daardie waardes geweeg word, verskil egter van mens tot mens.
In die verbruikerskultuur waarin ons leef, word materiële waardes dikwels as die hoogste waarde geag en die belangrikste doelwit om na te streef.
Chris van der Merwe kies in sy boek Die wonder van die goddelike liefde die Bybel se morele waardes as rigsnoer vir ’n waardegedrewe lewe. Hy bespreek dit aan die hand van sewe begrippe naamlik geloof, hoop, geregtigheid, waarheid, blydskap, nederigheid en liefde.
Dit moet nie verwar word met die tradisionele sewe hoofdeugde, in teenstelling met die tradisionele sewe doodsondes waarmee mense dikwels banggepraat word nie. Hy verkies om die klem te laat val op positiewe waardes.
Die boek is nie ’n teologiese diskussie oor die strydighede in die Bybel waarvan daar baie is nie. As letterkundige (wat nie ’n teoloog is nie) fokus die skrywer op daardie dinge in die Bybel wat vir hóm waardegedrewe is. Hy som die etiek van die Bybel in een woord op, naamlik liefde.
Sy skryfstyl is behoudend, maar sonder ’n veroordelende of streng dogmatiese benadering.
Tradisionele gelowiges wat nie van oordrewe vroomheid hou nie sal veral aanklank vind by die boek.
Van die vrae wat hy stel oor gebed en lyding verg egter dieper nadenke.
Anders as fundamentalistiese skrywers bepleit hy ’n nie-diskriminerende Bybelse liefde.
Vir dogmatiese Christene sal dit vreemd wees om te hoor die Bybel verkondig nie ’n eenvoudige siening dat almal wat nie in Jesus glo nie verlore is.
Die skrywer wil mense van die Christelike leer oortuig deur praktiese dade van goedheid sonder om hulle noodwendig tot die Christelike geloof te bekeer.
Baie mense buite die Christelike tradisie soos Sokrates en Gandhi het volgens die skrywer ’n groter ooreenkoms met Jesus getoon as die meeste mense binne die Christelike geloof.
Daarom maak hulle volgens hom deel uit van die goddelike verhaal.
Jean Oosthuizen is ’n vryskutjoernalis.
* Die boek kan hier bestel word en is ook as ’n e-boek beskikbaar op Kalahari.com teen R137.
Ons almal se lewe word deur waardes bepaal.
Die skaal waarop daardie waardes geweeg word, verskil egter van mens tot mens.
In die verbruikerskultuur waarin ons leef, word materiële waardes dikwels as die hoogste waarde geag en die belangrikste doelwit om na te streef.
Chris van der Merwe kies in sy boek Die wonder van die goddelike liefde die Bybel se morele waardes as rigsnoer vir ’n waardegedrewe lewe. Hy bespreek dit aan die hand van sewe begrippe naamlik geloof, hoop, geregtigheid, waarheid, blydskap, nederigheid en liefde.
Dit moet nie verwar word met die tradisionele sewe hoofdeugde, in teenstelling met die tradisionele sewe doodsondes waarmee mense dikwels banggepraat word nie. Hy verkies om die klem te laat val op positiewe waardes.
Die boek is nie ’n teologiese diskussie oor die strydighede in die Bybel waarvan daar baie is nie. As letterkundige (wat nie ’n teoloog is nie) fokus die skrywer op daardie dinge in die Bybel wat vir hóm waardegedrewe is. Hy som die etiek van die Bybel in een woord op, naamlik liefde.
Sy skryfstyl is behoudend, maar sonder ’n veroordelende of streng dogmatiese benadering.
Tradisionele gelowiges wat nie van oordrewe vroomheid hou nie sal veral aanklank vind by die boek.
Van die vrae wat hy stel oor gebed en lyding verg egter dieper nadenke.
Anders as fundamentalistiese skrywers bepleit hy ’n nie-diskriminerende Bybelse liefde.
Vir dogmatiese Christene sal dit vreemd wees om te hoor die Bybel verkondig nie ’n eenvoudige siening dat almal wat nie in Jesus glo nie verlore is.
Die skrywer wil mense van die Christelike leer oortuig deur praktiese dade van goedheid sonder om hulle noodwendig tot die Christelike geloof te bekeer.
Baie mense buite die Christelike tradisie soos Sokrates en Gandhi het volgens die skrywer ’n groter ooreenkoms met Jesus getoon as die meeste mense binne die Christelike geloof.
Daarom maak hulle volgens hom deel uit van die goddelike verhaal.
Jean Oosthuizen is ’n vryskutjoernalis.
