Publications
Partners
Die vier kandidate op die kortlys vir die City Press-niefiksieprys is onlangs bekend gemaak. Dié boekprys van R60 000, wat saam met Tafelberg-uitgewers aangebied word, het vanjaar in sy derde bestaansjaar die meeste inskrywings tot nog toe ontvang.
Die pryswenner se boek word in 2016 gepubliseer.
Die antropoloog en verpleegsuster Lydia Gittens ondersoek die kulturele praktyk “Ukuthwala”, waarvolgens jong vroue, gewoonlik jonger as 18 en soms selfs net agt jaar oud, in ’n huwelik gedwing word, meestal met die goedkeuring van hul ouers.
Die joernalis en Afrika-spesialis Liesl Louw-Vaudran bekyk die invloed van Suid-Afrikaanse diplomasie op die vasteland, of dit werklik suksesvol is en in watter mate ons die vasteland help verander het.
Vashthi Nepaul skryf oor die uitdagings van hulp aan begaafde kinders van arm Suid-Afrikaanse gemeenskappe om hul potensiaal te bereik. Sy sê die stelsel slaag nie daarin om voorsiening te maak vir begaafde studente nie, en hulle staak hul studie.
Michael Weeder, deken van die St. George-katedraal, het die biografie van Reg September aangepak – van sy politieke inwyding in Distrik Ses in die laat 1930’s, gevangenskap en byna 30 jaar as ’n uitgewekene tot met sy terugkeer na ’n veranderde Suid-Afrika in 1991.
Die wenner word op 17 September in Kaapstad aangekondig. Besoek tafelberg.com vir inskrywings vir die volgende prys wat op 30 Junie 2015 sluit.
Die pryswenner se boek word in 2016 gepubliseer.
Die antropoloog en verpleegsuster Lydia Gittens ondersoek die kulturele praktyk “Ukuthwala”, waarvolgens jong vroue, gewoonlik jonger as 18 en soms selfs net agt jaar oud, in ’n huwelik gedwing word, meestal met die goedkeuring van hul ouers.
Die joernalis en Afrika-spesialis Liesl Louw-Vaudran bekyk die invloed van Suid-Afrikaanse diplomasie op die vasteland, of dit werklik suksesvol is en in watter mate ons die vasteland help verander het.
Vashthi Nepaul skryf oor die uitdagings van hulp aan begaafde kinders van arm Suid-Afrikaanse gemeenskappe om hul potensiaal te bereik. Sy sê die stelsel slaag nie daarin om voorsiening te maak vir begaafde studente nie, en hulle staak hul studie.
Michael Weeder, deken van die St. George-katedraal, het die biografie van Reg September aangepak – van sy politieke inwyding in Distrik Ses in die laat 1930’s, gevangenskap en byna 30 jaar as ’n uitgewekene tot met sy terugkeer na ’n veranderde Suid-Afrika in 1991.
Die wenner word op 17 September in Kaapstad aangekondig. Besoek tafelberg.com vir inskrywings vir die volgende prys wat op 30 Junie 2015 sluit.
