Publications
Partners
Weekliks se “Drie wyses dink tesame oor evolusie” van 14 September het betrekking.
Dankie vir die insig van drie intellekte. Dit is die beste samevatting wat ek in jare gelees het.
In st. 6 het ek ’n boek van Charles Darwin gekry en begin lees. Ek moes die tien bladsye wat ek gelees het drie keer oorlees om dit te verstaan. Dit was 1961 en Koot Vorster was die moderator van die NG Kerk.
Toe vang my geliefde moeder my en vra my om asseblief liewer my huiswerk te doen, want daai Darwin-man glo nie in God nie.
Ek was in 1971 die eerste keer in Kaapstad en het die Suid-Afrikaanse Museum besoek. In die voorportaal is die enorme skelet van ’n walvis. Ek het begin wonder. Danksy my uitstekende biologieonderwyser (mev. Le Roux) het ek die meeste van die Homo sapiens-skelet se onderdele geken, sowel as die wetenskaplike name.
Op daardie oomblik het ek ’n kognitiewe resonansie ondervind. Ek kyk gereeld na programme soos The
Universe en Cosmos op TV. Kyk daarna en jy sal God sien. Sela.
Dankie vir die insig van drie intellekte. Dit is die beste samevatting wat ek in jare gelees het.
In st. 6 het ek ’n boek van Charles Darwin gekry en begin lees. Ek moes die tien bladsye wat ek gelees het drie keer oorlees om dit te verstaan. Dit was 1961 en Koot Vorster was die moderator van die NG Kerk.
Toe vang my geliefde moeder my en vra my om asseblief liewer my huiswerk te doen, want daai Darwin-man glo nie in God nie.
Ek was in 1971 die eerste keer in Kaapstad en het die Suid-Afrikaanse Museum besoek. In die voorportaal is die enorme skelet van ’n walvis. Ek het begin wonder. Danksy my uitstekende biologieonderwyser (mev. Le Roux) het ek die meeste van die Homo sapiens-skelet se onderdele geken, sowel as die wetenskaplike name.
Op daardie oomblik het ek ’n kognitiewe resonansie ondervind. Ek kyk gereeld na programme soos The
Universe en Cosmos op TV. Kyk daarna en jy sal God sien. Sela.
