Hulle moet liewer hul energie gebruik om sosio-ekonomiese toestande op die dorp te verbeter en hul boeke in orde te kry as om mense hul demokratiese reg te ontneem en die Afrikaner by te kom.
Dié aangeleentheid is weer eens ’n manifestasie van dubbele standaarde: Steve word as ’n rassis uitgekryt, maar Zuma sou welkom wees om sy masjiengeweer te kom bemark. Wat is meer rassisties? Is dit Steve wat “Die Stem” sing of die toepassing van ’n transformasiebeleid wat sekere mense op grond van hul velkleur in posisies aanstel wat dan munisipaliteite wanbestuur en mense as rassiste uitkryt as hulle “Die Stem” sing?
Ons lewe in ’n land met ’n siek verlede en word regeer deur mense sonder ’n benul van demokrasie. Gevolglik is daar nie ruimte vir genesing nie. Ek hunker na skoon regering en nie na apartheid nie, maar gun my die ruimte om te sing wat vir my vandag in die afwesigheid van nasie-trots kosbaar is.