Publications
Partners
Moet evolusie in skole aangebied word of nie?
Dr. Albert Alberts het in Weekliks van 30 Augustus sterk standpunt daarvoor ingeneem en alternatiewe beskouings afgemaak as aapstreke. Hy skryf ook dat in Amerika evolusie-onderrig in skole vroeër verbied was, maar met wetgewing in 1958 is gepoog om wetenskap-onderrig drasties te verbeter en tegelyk moes evolusie weer aangebied word.
Dit is interessant om nou te kyk wat in Amerikaanse skole gebeur het. Die sekretaris van onderwys (openbare skole) in Amerika het in 1989 verklaar: “... Een uit elke vier hoërskool-leerders verlaat die skool voor die finale eksamen — bykans ’n miljoen. Nóg ’n kwart — ook ’n miljoen — wat wel sommige grade op hoërskool voltooi het, is funksioneel ongeletterd.”
Die helfte van die 18-jariges in die VSA het dus nie geslaag om basiese taal-, wiskunde- en analitiese vaardighede te bemeester nie. Die hoofoorsaak was waarskynlik dit wat aangebied is, maar veral ook die onderrigmetodes van John Dewey, die evolusionis.
Vir die twispunt oor evolusie in skole hier by ons is dit nodig om eers te sê wat evolusie is.
Eerstens: Makro-evolusie, of kortweg evolusie, gaan van die aanname uit dat verandering vanaf laer lewensordes na hoër ordes kan plaasvind. Mense is maar net die produk van ewekansige mutasies plus natuurlike seleksie.
Tweedens: Daar kan natuurlik veranderings (verbetering of agteruitgang) binne soorte plaasvind as gevolg van natuurlike seleksie en/of mutasies.
Daar behoort geen probleem te wees met die aanbied van laasgenoemde nie, want alle individue binne ’n soort het dieselfde soort databank van biologiese inligting. Baie mense glo egter nie dat evolusie (die eerste soort) waar is nie.
Hulle vrees die invloed van sulke leermateriaal op hul kinders. As dit aangebied word asof dit wetenskaplike waarheid is, sal dit groot oorredingskrag hê en kan veroorsaak dat kinders wegdryf van hul geloof en ankers (in God).
Verder neig dié evolusie om morele waardes af te takel en die waardigheid van menselewens te minag. In die vorige eeu het evolusie-gelowige kommuniste bykans 100 miljoen weerlose mense vermoor.
Dr. Albert Alberts het in Weekliks van 30 Augustus sterk standpunt daarvoor ingeneem en alternatiewe beskouings afgemaak as aapstreke. Hy skryf ook dat in Amerika evolusie-onderrig in skole vroeër verbied was, maar met wetgewing in 1958 is gepoog om wetenskap-onderrig drasties te verbeter en tegelyk moes evolusie weer aangebied word.
Dit is interessant om nou te kyk wat in Amerikaanse skole gebeur het. Die sekretaris van onderwys (openbare skole) in Amerika het in 1989 verklaar: “... Een uit elke vier hoërskool-leerders verlaat die skool voor die finale eksamen — bykans ’n miljoen. Nóg ’n kwart — ook ’n miljoen — wat wel sommige grade op hoërskool voltooi het, is funksioneel ongeletterd.”
Die helfte van die 18-jariges in die VSA het dus nie geslaag om basiese taal-, wiskunde- en analitiese vaardighede te bemeester nie. Die hoofoorsaak was waarskynlik dit wat aangebied is, maar veral ook die onderrigmetodes van John Dewey, die evolusionis.
Vir die twispunt oor evolusie in skole hier by ons is dit nodig om eers te sê wat evolusie is.
Eerstens: Makro-evolusie, of kortweg evolusie, gaan van die aanname uit dat verandering vanaf laer lewensordes na hoër ordes kan plaasvind. Mense is maar net die produk van ewekansige mutasies plus natuurlike seleksie.
Tweedens: Daar kan natuurlik veranderings (verbetering of agteruitgang) binne soorte plaasvind as gevolg van natuurlike seleksie en/of mutasies.
Daar behoort geen probleem te wees met die aanbied van laasgenoemde nie, want alle individue binne ’n soort het dieselfde soort databank van biologiese inligting. Baie mense glo egter nie dat evolusie (die eerste soort) waar is nie.
Hulle vrees die invloed van sulke leermateriaal op hul kinders. As dit aangebied word asof dit wetenskaplike waarheid is, sal dit groot oorredingskrag hê en kan veroorsaak dat kinders wegdryf van hul geloof en ankers (in God).
Verder neig dié evolusie om morele waardes af te takel en die waardigheid van menselewens te minag. In die vorige eeu het evolusie-gelowige kommuniste bykans 100 miljoen weerlose mense vermoor.
