Publications
Partners
Die artikel in Weekliks “Dit gaan alles oor die grond” verlede Sondag deur Chris Jones het betrekking.
Na my mening is dit 'n uiters eensydige bespreking van die vraagstuk. Die artikel skep die indruk dat net die Israeli’s verkeerd is en dat net die Palestyne reg is.
Soos dikwels die geval is, is albei groepe reg en verkeerd in hul optrede.
Die oplossing is egter maklik. Die Israeli’s was vir baie dekades gereed om 'n sogenaamde “twee-staat-oplossing” te aanvaar, op net een voorwaarde: Die Palestyne moenie onafhanklike grondgebied gebruik om aanvalle op Israel van stapel te stuur nie. Die Palestyne was egter nog nooit (en is steeds nie) bereid om daardie onderneming te gee nie. Dus tree die Israeli’s nou meer aggressief op om hul eie bevolking te beskerm.
Enige ander land sou presies dieselfde gedoen het.
Die tragedie is dat gewone burgerlikes, soos altyd tydens 'n oorlog, die swaarste getref word as gevolg van die politici en ekstremiste se hardkoppigheid.
