Daarna het sy haar na iemand anders gedraai met die woorde “skaam hy hom nie!” toe Nel haar ongevraagde afjak met onberispelik goeie maniere ignoreer.
Die ironie skrei ten hemele! Skaam sy haar nie vir Oscar omdat hy die lewe geneem het van ’n pragtige, onskuldige jong vrou nie, en dan nog boonop nie eens deur sy eie regspan geprys kan word as ’n eerlike en goeie getuie nie?
Is dit nie die minste wat van Pistorius verwag kon word nie – om sy respek vir sy ontslape vriendin en haar ouers te betoon nadat hy hulle van hul enigste dogter ontneem het? Suiwer en werklike berou pleks van getuienis deurspek van arrogante jakkalsdraaie en toneelspel.
Ek dink Pistorius, Lois en die hele kaboedel Pistoriusse behoort hulle te skaam vir en namens Oscar.