Publications
Partners
Wat is nou vroliker as ’n kinderpartytjie? Vir die sewende episode van Makietie het Tiaan Langenegger en Mynhardt Joubert ’n prettige partytjie in die styl van ’n karnaval aangebied.
RESEPTE
“Sagte vanieljekoek met helder versiersels, die soet reuk van toffieappels, rooi en groen verjaardagkoeldrank wat jou klere vlek – daar’s min dinge wat so vars in
die geheue bly soos die opwinding van ’n kinderpartytjie,” vertel Mynhardt. “Om dié rede het ons 20 kinders uit ’n nabye plaasskooltjie genooi vir ’n dag
se bederf: ’n kinderkarnaval, kompleet met sakresies en ‘kaartjies’
vir spookasem en speletjies.”
Die maklikste vanieljekoek
“Dis die maklikste koek ooit. Die beslag kan ook gebruik word om kolwyntjies te bak,” sê Tiaan.
Bereidingstyd
2 ure
Aanwysings
1 Klits 8 eiers en 250 g strooisuiker saam tot baie lig en donsig.
2 Vou 250 g gesifte koekmeel by. (As jy ’n sjokoladekoek wil bak, vervang 50 g van die meel met kakao.)
3 Skep die beslag in twee gesmeerde losboompanne en bak dit vir so 25 minute teen 180 oC tot gaar.
Nota
Dié resep maak twee koeke. As jy soos Tiaan-hulle vier aparte lae wil stapel, verdubbel die resep.
Versiersel
Aanwysings
1 Room 500 g sagte botter, 500 g gesifte versiersuiker en die saadjies van een vanieljepeul saam tot glad.
2 Voeg nog 500 g gesifte versiersuiker en 30 ml kookwater bietjies-bietjies by en roer tot glad.
3 Verdeel die versiersel en kleur
met koskleursel in helder kleure van jou keuse.
4 Rond die koeke treffend af met patrone gesny uit gekoopte fondant-versiersel, as jy wil.
Gesoute karamel-springmielies
“Dié resep is heerlik en baie koste-doeltreffend. Wees versigtig, dit kan ’n gewoonte word!”
Aanwysings
1 Verhit 2 koppies sagte bruinsuiker en 250 g botter tot kookpunt in ’n swaarboompot oor matige hitte.
2 Roer 1 blik kondensmelk en 5 ml growwe seesout (of na smaak) by.
3 Laat liggies kook vir ses tot agt minute tot dit sagtebal-stadium* bereik. Maak seker jy kook dit nie te lank nie!
4 Gooi die karamel oor ’n groot bak springmielies en roer deur met ’n houtlepel.
* Wanneer die stroop ’n sagte, klewerige bolletjie in koue water vorm, en platgedruk kan word as jy dit uit die water haal.
DIE TEMA
Kinderkarnaval! Terwyl Tiaan gesorg het vir vrolike eetgoed, soos toffieappels, springmielies en koek, het Mynhardt kreatief te werk gegaan om ’n mini-karnaval te skep. Ou lakens en materiaal is opgeknip vir stringvlaggies en lint, mandjies en ou strandballe is omskep in vrolike “lugbalonne” wat in die bome gehang is. Mynhardt het ook ’n “kaartjiekantoor” en fotohoekie aanmekaargeslaan uit ou deure en groot bokse.
DIE BEGROTING
Die begroting is R1 000 elk vir die kos en die dekor, maar dan mag Tiaan as koshoof en Mynhardt as dekorhoof onderhandel…
Kos Pizza-horinkies: R150; Toffieappels: R20; Koek: R350; Springmielies: R20; Koeldrank: R20; Suursuiker (sherbet) en ekstras: R200
RESEPTE
“Sagte vanieljekoek met helder versiersels, die soet reuk van toffieappels, rooi en groen verjaardagkoeldrank wat jou klere vlek – daar’s min dinge wat so vars in
die geheue bly soos die opwinding van ’n kinderpartytjie,” vertel Mynhardt. “Om dié rede het ons 20 kinders uit ’n nabye plaasskooltjie genooi vir ’n dag
se bederf: ’n kinderkarnaval, kompleet met sakresies en ‘kaartjies’
vir spookasem en speletjies.”
Die maklikste vanieljekoek
“Dis die maklikste koek ooit. Die beslag kan ook gebruik word om kolwyntjies te bak,” sê Tiaan.
Bereidingstyd
2 ure
Aanwysings
1 Klits 8 eiers en 250 g strooisuiker saam tot baie lig en donsig.
2 Vou 250 g gesifte koekmeel by. (As jy ’n sjokoladekoek wil bak, vervang 50 g van die meel met kakao.)
3 Skep die beslag in twee gesmeerde losboompanne en bak dit vir so 25 minute teen 180 oC tot gaar.
Nota
Dié resep maak twee koeke. As jy soos Tiaan-hulle vier aparte lae wil stapel, verdubbel die resep.
Versiersel
Aanwysings
1 Room 500 g sagte botter, 500 g gesifte versiersuiker en die saadjies van een vanieljepeul saam tot glad.
2 Voeg nog 500 g gesifte versiersuiker en 30 ml kookwater bietjies-bietjies by en roer tot glad.
3 Verdeel die versiersel en kleur
met koskleursel in helder kleure van jou keuse.
4 Rond die koeke treffend af met patrone gesny uit gekoopte fondant-versiersel, as jy wil.
Gesoute karamel-springmielies
“Dié resep is heerlik en baie koste-doeltreffend. Wees versigtig, dit kan ’n gewoonte word!”
Aanwysings
1 Verhit 2 koppies sagte bruinsuiker en 250 g botter tot kookpunt in ’n swaarboompot oor matige hitte.
2 Roer 1 blik kondensmelk en 5 ml growwe seesout (of na smaak) by.
3 Laat liggies kook vir ses tot agt minute tot dit sagtebal-stadium* bereik. Maak seker jy kook dit nie te lank nie!
4 Gooi die karamel oor ’n groot bak springmielies en roer deur met ’n houtlepel.
* Wanneer die stroop ’n sagte, klewerige bolletjie in koue water vorm, en platgedruk kan word as jy dit uit die water haal.
DIE TEMA
Kinderkarnaval! Terwyl Tiaan gesorg het vir vrolike eetgoed, soos toffieappels, springmielies en koek, het Mynhardt kreatief te werk gegaan om ’n mini-karnaval te skep. Ou lakens en materiaal is opgeknip vir stringvlaggies en lint, mandjies en ou strandballe is omskep in vrolike “lugbalonne” wat in die bome gehang is. Mynhardt het ook ’n “kaartjiekantoor” en fotohoekie aanmekaargeslaan uit ou deure en groot bokse.
DIE BEGROTING
Die begroting is R1 000 elk vir die kos en die dekor, maar dan mag Tiaan as koshoof en Mynhardt as dekorhoof onderhandel…
Kos Pizza-horinkies: R150; Toffieappels: R20; Koek: R350; Springmielies: R20; Koeldrank: R20; Suursuiker (sherbet) en ekstras: R200
