Publications
Partners
Terwyl die 39-jarige Shameemah Shamoon, ’n paramedikus van Benoni, kort ná sonsondergang met haar voorkop teen die vloer gekniel en gebid het, het haar man haar na bewering van agter met ’n kruisboog geskiet, die pyl uitgetrek en haar nóg twee keer geskiet.
Shamoon is op die toneel in hul huurwoonstel dood verklaar.
Haar 40-jarige man is dieselfde aand aangekeer en verskyn oormôre op aanklag van moord in die Benoni-landdroshof, het lt.kol. Katlego Mogale, polisiewoordvoerder, gesê.
Volgens Moulana Bellim, ’n Islamitiese gemeenskapsleier, was Shamoon se man ’n “liefdevolle mens” en: “Net God sal weet wat gebeur het.”
Hy sê Shamoon se 15-jarige susterskind was in die woonstel toe die treurspel gebeur het.
Die man het glo gedreig om hom ook dood te skiet.
Die man het na bewering die minderjarige seun in ’n hoek probeer dryf toe hy hulp wou ontbied. Die seun het egter daarin geslaag om met geringe beserings te ontsnap.
Die Maghrib-gebed word kort ná sonsondergang (tans omstreeks 17:52 in Suid-Afrika) gehou. Daar word van Moslems verwag om vyf keer per dag te “Salah” (bid). Shamoon was besig met haar vierde Salah vir die dag.
Die man het glo ná die moord Shamoon se ma gebel om haar in te lig haar kind is na “Jannah” (die ewige paradys vir Moslems).
Bure in die Seramar Court-woonstelgebou in Benoni sê hulle het nie die paartjie van woonstel 203 op die boonste verdieping geken nie. “Hy was ’n baie stil man,” het ’n werknemer by die vulstasie oorkant die pad gesê.
* Pierre la Grange (39), geklee in ’n dik swart baadjie met sy hare kort geskeer en ’n lang baard, het Dinsdag op aanklagte van moord en poging tot moord in die Benoni-landdroshof verskyn. Die saak is tot 30 April uitgestel.
Shamoon is op die toneel in hul huurwoonstel dood verklaar.
Haar 40-jarige man is dieselfde aand aangekeer en verskyn oormôre op aanklag van moord in die Benoni-landdroshof, het lt.kol. Katlego Mogale, polisiewoordvoerder, gesê.
Volgens Moulana Bellim, ’n Islamitiese gemeenskapsleier, was Shamoon se man ’n “liefdevolle mens” en: “Net God sal weet wat gebeur het.”
Hy sê Shamoon se 15-jarige susterskind was in die woonstel toe die treurspel gebeur het.
Die man het glo gedreig om hom ook dood te skiet.
Die man het na bewering die minderjarige seun in ’n hoek probeer dryf toe hy hulp wou ontbied. Die seun het egter daarin geslaag om met geringe beserings te ontsnap.
Die Maghrib-gebed word kort ná sonsondergang (tans omstreeks 17:52 in Suid-Afrika) gehou. Daar word van Moslems verwag om vyf keer per dag te “Salah” (bid). Shamoon was besig met haar vierde Salah vir die dag.
Die man het glo ná die moord Shamoon se ma gebel om haar in te lig haar kind is na “Jannah” (die ewige paradys vir Moslems).
Bure in die Seramar Court-woonstelgebou in Benoni sê hulle het nie die paartjie van woonstel 203 op die boonste verdieping geken nie. “Hy was ’n baie stil man,” het ’n werknemer by die vulstasie oorkant die pad gesê.
* Pierre la Grange (39), geklee in ’n dik swart baadjie met sy hare kort geskeer en ’n lang baard, het Dinsdag op aanklagte van moord en poging tot moord in die Benoni-landdroshof verskyn. Die saak is tot 30 April uitgestel.
