Publications
Partners
Nie eens ’n gebreekte rib wat hy twee weke gelede opgedoen het, kon die 64-jarige Giel van Deventer keer om die moordende Bergrivier-kanomarathon Saterdag ’n rekord- 45ste keer te voltooi nie.
Dié rateltaai protea-boer van Du Toitskloof naby die Paarl het die rib tien dae voor die wedvaart gebreek.
Hy was besig om met sy kano te oefen toe ’n stomp hom in die ribbes getref het.
“Die rib was met die tweede skof in die koue, reën en wind so ’n bietjie seer, maar andersins het hy nie te veel gepla nie,” het Van Deventer gistermiddag in Velddrif aan die Weskus aan Rapport gesê.
Die wedvaart van 240 km, wat vanjaar die 53ste keer sedert 1962 aangebied is, word oor vier skofte van die Paarl tot by Velddrif gehou.
Van Deventer het in 1969 die eerste keer deelgeneem en het sedertdien elke jaar deelgeneem.
Hy sê die 1971-wedvaart was die moeilikste.
“Daai jaar het ’n erge storm ons op die tweede skof getref en meer as die helfte van die deelnemers het hulle toe onttrek,” het Van Deventer gesê.
Daar was vanjaar sowat 200 deelnemers.
Op sy beurt het die 74-jarige Jannie Malherbe gister die oudste deelnemer nóg geword wat Die Berg, soos dit bekend is, voltooi het.
Hy en die 71-jarige Bergrivier-veteraan Willem van Riet, wat ook deelgeneem het, was in 1962 met die eerste wedvaart ook onder die deelnemers.
Boonop het die 62-jarige Lee McGregor, pa van die Bergrivier-koning, die negemalige kampioen Hank McGregor, gister die oudste deelnemer nóg geword wat onder die voorste tien deelnemers geëindig het.
McGregor het ook vandeesweek, terwyl die eerste skof aan die gang was, oupa geword toe Hank en Pippa McGregor se kind, Thorsten, in Durban gebore is.
Hy het nadat hy gister uit die water geklim het, gesê: “Nooit, nooit, nooit weer nie. Dis verskriklik ver.”
McGregor het dié keer kom deelneem “om seker te maak daar is ’n McGregor onder die top-10”.
Volgende jaar is Hank McGregor terug om ’n moontlike tiende Bergrivier-titel te wen.
Oupa Lee sê hy sal dan by die huis bly om sy kleinkind op te pas.
Giel van Deventer (64) het aan sy 45ste Bergrivier-kanomarathon deelgeneem. | FOTO : SAREL VAN DER WALT
Dié rateltaai protea-boer van Du Toitskloof naby die Paarl het die rib tien dae voor die wedvaart gebreek.
Hy was besig om met sy kano te oefen toe ’n stomp hom in die ribbes getref het.
“Die rib was met die tweede skof in die koue, reën en wind so ’n bietjie seer, maar andersins het hy nie te veel gepla nie,” het Van Deventer gistermiddag in Velddrif aan die Weskus aan Rapport gesê.
Die wedvaart van 240 km, wat vanjaar die 53ste keer sedert 1962 aangebied is, word oor vier skofte van die Paarl tot by Velddrif gehou.
Van Deventer het in 1969 die eerste keer deelgeneem en het sedertdien elke jaar deelgeneem.
Hy sê die 1971-wedvaart was die moeilikste.
“Daai jaar het ’n erge storm ons op die tweede skof getref en meer as die helfte van die deelnemers het hulle toe onttrek,” het Van Deventer gesê.
Daar was vanjaar sowat 200 deelnemers.
Op sy beurt het die 74-jarige Jannie Malherbe gister die oudste deelnemer nóg geword wat Die Berg, soos dit bekend is, voltooi het.
Hy en die 71-jarige Bergrivier-veteraan Willem van Riet, wat ook deelgeneem het, was in 1962 met die eerste wedvaart ook onder die deelnemers.
Boonop het die 62-jarige Lee McGregor, pa van die Bergrivier-koning, die negemalige kampioen Hank McGregor, gister die oudste deelnemer nóg geword wat onder die voorste tien deelnemers geëindig het.
McGregor het ook vandeesweek, terwyl die eerste skof aan die gang was, oupa geword toe Hank en Pippa McGregor se kind, Thorsten, in Durban gebore is.
Hy het nadat hy gister uit die water geklim het, gesê: “Nooit, nooit, nooit weer nie. Dis verskriklik ver.”
McGregor het dié keer kom deelneem “om seker te maak daar is ’n McGregor onder die top-10”.
Volgende jaar is Hank McGregor terug om ’n moontlike tiende Bergrivier-titel te wen.
Oupa Lee sê hy sal dan by die huis bly om sy kleinkind op te pas.
Giel van Deventer (64) het aan sy 45ste Bergrivier-kanomarathon deelgeneem. | FOTO : SAREL VAN DER WALT
