Publications
Partners
’n Vrou van Distrik Ses in Kaapstad sê sy is onwetend deur ’n familievriend as dwelmmuil gewerf en kan nou jare se tronkstraf opgelê word as sy as smokkelaar skuldig bevind word.
Die 51-jarige Washiela Abdul, wat saam met haar man, Armien, in ’n woonstel op die perseel van die historiese
Distrik Ses-moskee bly, sê haar “gums is seer gekners” van al die spanning.
Washiela sê haar skoonseun, Mohamed Musa, het haar voorgestel aan ’n Tanzaniese vriend, ene Isai, wat haar vertel het dat ’n mens goedkoop salat-klere (Moslemse gebedsdrag) in Durban kan koop. Isai het aangebied om vir haar ’n vliegtuigkaartjie te koop en saam met haar Durban toe te vlieg vir inkopies.
Verlede Saterdag is hulle toe weg. Sy het net ’n skootrekenaar en ’n handsak by haar gehad omdat die plan was om nog dieselfde dag terug te vlieg.
Isai, daarenteen, het ’n swart rugsakkie en ’n groot, oranje tas by hom gehad.
Omdat dit die eerste keer ooit was dat sy vlieg het hy haar ID-boek geneem om hul instapkaarte te kry en die tas in te boek.
Daarna is hulle na sekuriteit, waar sy haar handsak en Isai sy rugsak deur die x-straalmasjien gesit het.
Sy sê toe die sekuriteitswagte wil weet wat die swart poeier in die sak is, het Isai geantwoord dit is koffie.
Maar toe hulle die sakkie wil oopsny om te kyk, het Isai vir haar gefluister om pad te gee en self laat spaander – so vinnig dat hy nou nog weg is.
“Ek was flabbergasted. Waarom moes ek hardloop? Ek het mos niks verkeerd gedoen nie?” sê Washiela.
Daarna het die polisie Isai se oranje tas (wat hy op haar naam ingeboek het) ook deursoek en nog twee sakkies “koffie” gekry.
Washiela sê die polisie het haar weggeneem en kaal uitgetrek en deursoek.
Sy sê al wat sy weet, is dat sy nie “haar hande op daardie oranje case gelê het nie. Hulle kan maar op die video (kring-televisie) kyk en die fingerprints check.”
Armien, fes op die kop, staan stil eenkant in die halfdonker van hul woonstel.
Hy is baie kwaad, sê hy, en skaam, want al hul familie en vriende “bel die lyne warm oor sy vrou ’n drug trafficker is”.
Hy probeer egter die silwer randjie van dié donker wolk raaksien: “Alhamdulillah (dank Allah), dit kon baie erger gewees het.
“Wat as dit oorsee gebeur het?
“Daar hang hulle jou of gee jou life, al het jy dit steeds nie gedoen nie.”
Washiela sê sy drink bloeddrukpille, maar voel steeds “of ek enige oomblik kan faint”.
Sy moet weer op 31 Oktober in die Bellville-landdroshof verskyn.
Die 51-jarige Washiela Abdul, wat saam met haar man, Armien, in ’n woonstel op die perseel van die historiese
Distrik Ses-moskee bly, sê haar “gums is seer gekners” van al die spanning.
Washiela sê haar skoonseun, Mohamed Musa, het haar voorgestel aan ’n Tanzaniese vriend, ene Isai, wat haar vertel het dat ’n mens goedkoop salat-klere (Moslemse gebedsdrag) in Durban kan koop. Isai het aangebied om vir haar ’n vliegtuigkaartjie te koop en saam met haar Durban toe te vlieg vir inkopies.
Verlede Saterdag is hulle toe weg. Sy het net ’n skootrekenaar en ’n handsak by haar gehad omdat die plan was om nog dieselfde dag terug te vlieg.
Isai, daarenteen, het ’n swart rugsakkie en ’n groot, oranje tas by hom gehad.
Omdat dit die eerste keer ooit was dat sy vlieg het hy haar ID-boek geneem om hul instapkaarte te kry en die tas in te boek.
Daarna is hulle na sekuriteit, waar sy haar handsak en Isai sy rugsak deur die x-straalmasjien gesit het.
Sy sê toe die sekuriteitswagte wil weet wat die swart poeier in die sak is, het Isai geantwoord dit is koffie.
Maar toe hulle die sakkie wil oopsny om te kyk, het Isai vir haar gefluister om pad te gee en self laat spaander – so vinnig dat hy nou nog weg is.
“Ek was flabbergasted. Waarom moes ek hardloop? Ek het mos niks verkeerd gedoen nie?” sê Washiela.
Daarna het die polisie Isai se oranje tas (wat hy op haar naam ingeboek het) ook deursoek en nog twee sakkies “koffie” gekry.
Washiela sê die polisie het haar weggeneem en kaal uitgetrek en deursoek.
Sy sê al wat sy weet, is dat sy nie “haar hande op daardie oranje case gelê het nie. Hulle kan maar op die video (kring-televisie) kyk en die fingerprints check.”
Armien, fes op die kop, staan stil eenkant in die halfdonker van hul woonstel.
Hy is baie kwaad, sê hy, en skaam, want al hul familie en vriende “bel die lyne warm oor sy vrou ’n drug trafficker is”.
Hy probeer egter die silwer randjie van dié donker wolk raaksien: “Alhamdulillah (dank Allah), dit kon baie erger gewees het.
“Wat as dit oorsee gebeur het?
“Daar hang hulle jou of gee jou life, al het jy dit steeds nie gedoen nie.”
Washiela sê sy drink bloeddrukpille, maar voel steeds “of ek enige oomblik kan faint”.
Sy moet weer op 31 Oktober in die Bellville-landdroshof verskyn.
