Publications
Partners
Die land se 'Liefling', Bobby van Jaarsveld, is nog glad nie moeg vir sy karakter Jan nie.
Dit is die derde keer wat van Jaarsveld die rol van die soetgesiggie-hartebreker gaan speel ná die vervaardiger, Paul Kruger, vroeër vanoggend aangekondig dat Liefling: die teaterproduksie vir nog ‘n seisoen aangebied gaan word.
Dit is die eerste keer dat ‘n plaaslike teaterproduksie – en op die koop toe ook in Afrikaans – by die Teatro by Montecasino in Johannesburg aangebied sal word, het Kruger by die bekendstelling by die Southern Sun-hotel by Montecasino gesê.
Bryan Hill, die algemene bestuurder van die Teatro, het aan Netwerk24 gesê dat Liefling aan al die standaarde van ‘n internasionale teaterproduksie voldoen. “Dit is moeilik om plaaslike produksies te kry wat op standaard is,” sê hy.
Kruger sê Liefling: Die teaterproduksie het reeds 39 000 mense na die staatsteater gelok.
Van Jaarsveld sê Jan is nie meer vir hom ‘n vreemde karakter nie. “Jan is baie soos ek.”
Teater, sê van Jaarsveld, bied sy eie uitdagings. “Ek het tydens Liefling se eerste seisoen my danspassies vergeet – toe moes ek my eie oopmaak. Dit was lelik. Ek het soos ‘n amateur-stripper gelyk.”
"Die Teatro is soos die Broadway van Suid-Afrika en ek dink dit is ‘n ongelooflike geleentheid vir ‘n Afrikaanse teaterproduksie," sê Riaan Grobler, aanbieder op Groot Fm 90.5.
Volgens Sizwe Jantjie, die vermaak- en geleentheidsorganiseerder van Tsongo Sun het hy nog nie die produksie gesien nie, maar wel die rolprent.
“Ek het saam met Pieter Koen, die sanger, na die rolprent gaan kyk. Ek glo nie-Afrikaansprekendes kan ook met die karakters identifiseer. Ons is trots om by Liefling betrokke te wees.”
Liefling: Die Teaterproduksie is vanaf 12 Desember op die planke.
Dit is die derde keer wat van Jaarsveld die rol van die soetgesiggie-hartebreker gaan speel ná die vervaardiger, Paul Kruger, vroeër vanoggend aangekondig dat Liefling: die teaterproduksie vir nog ‘n seisoen aangebied gaan word.
Dit is die eerste keer dat ‘n plaaslike teaterproduksie – en op die koop toe ook in Afrikaans – by die Teatro by Montecasino in Johannesburg aangebied sal word, het Kruger by die bekendstelling by die Southern Sun-hotel by Montecasino gesê.
Bryan Hill, die algemene bestuurder van die Teatro, het aan Netwerk24 gesê dat Liefling aan al die standaarde van ‘n internasionale teaterproduksie voldoen. “Dit is moeilik om plaaslike produksies te kry wat op standaard is,” sê hy.
Kruger sê Liefling: Die teaterproduksie het reeds 39 000 mense na die staatsteater gelok.
Van Jaarsveld sê Jan is nie meer vir hom ‘n vreemde karakter nie. “Jan is baie soos ek.”
Teater, sê van Jaarsveld, bied sy eie uitdagings. “Ek het tydens Liefling se eerste seisoen my danspassies vergeet – toe moes ek my eie oopmaak. Dit was lelik. Ek het soos ‘n amateur-stripper gelyk.”
"Die Teatro is soos die Broadway van Suid-Afrika en ek dink dit is ‘n ongelooflike geleentheid vir ‘n Afrikaanse teaterproduksie," sê Riaan Grobler, aanbieder op Groot Fm 90.5.
Volgens Sizwe Jantjie, die vermaak- en geleentheidsorganiseerder van Tsongo Sun het hy nog nie die produksie gesien nie, maar wel die rolprent.
“Ek het saam met Pieter Koen, die sanger, na die rolprent gaan kyk. Ek glo nie-Afrikaansprekendes kan ook met die karakters identifiseer. Ons is trots om by Liefling betrokke te wees.”
Liefling: Die Teaterproduksie is vanaf 12 Desember op die planke.
