Publications
Partners
Verna Vels, die skepper van Liewe Heksie, het borskanker wat na haar brein versprei het. En sy bid.
“Ek is ’n groot gelowige in gebed. ’n Mens bid maar en baie mense bid vir jou,” het Vels (81) gister gesê uit die Mediclinic Morningside in Johannesburg waar sy mediese toetse en behandeling ondergaan.
“Ek voel goed. Dis nou nie van ernstige afmetings nie. Dit het nou net nie te lekker gegaan nie.”
Sy het gesê dit het in Januarie begin met inflammatoriese borskanker. Dit het sedertdien na haar brein versprei, sê Liby Nel, woordvoerder van 7de Laan, waar Vels ’n toesighoudende vervaardiger is.
Nel sê Vels het haar kankerstryd tot dusver met ’n goeie gemoed hanteer. Sy was tot einde Mei nog twee keer per week op stel. “In die tyd wat sy vir chemo gegaan het, het sy nog steeds gaan werk,” sê Nel.
“Sy het ’n onblusbare gees.”
Vels sê sy hang nie die nuus van haar siekte aan die groot klok nie.
Riaan Cruywagen, wat al sedert 1967 met haar bevriend is, het Vrydagaand gesê hy het ’n halfuur voordat Rapport hom geskakel het met haar oor “koeitjies en kalfies” gesels. Hy was nie bewus dat die kanker na haar brein versprei het nie.
“Ek het vir haar gevra hoe gaan dit? Toe sê sy nee dit gaan goed.” Sy het aan Cruywagen gesê sy hoop om hierdie week huis toe te gaan. “Ek is nie in ’n toestand van angs of paniek nie,” het Vels gister gesê.
In ’n onderhoud met Rapport verlede jaar het Vels geskerts dat sy reeds in 1993 “sogenaamd” afgetree het, maar dat “mens moet dankbaar wees as hulle jou steeds kan gebruik”.
“Ek is ’n groot gelowige in gebed. ’n Mens bid maar en baie mense bid vir jou,” het Vels (81) gister gesê uit die Mediclinic Morningside in Johannesburg waar sy mediese toetse en behandeling ondergaan.
“Ek voel goed. Dis nou nie van ernstige afmetings nie. Dit het nou net nie te lekker gegaan nie.”
Sy het gesê dit het in Januarie begin met inflammatoriese borskanker. Dit het sedertdien na haar brein versprei, sê Liby Nel, woordvoerder van 7de Laan, waar Vels ’n toesighoudende vervaardiger is.
Nel sê Vels het haar kankerstryd tot dusver met ’n goeie gemoed hanteer. Sy was tot einde Mei nog twee keer per week op stel. “In die tyd wat sy vir chemo gegaan het, het sy nog steeds gaan werk,” sê Nel.
“Sy het ’n onblusbare gees.”
Vels sê sy hang nie die nuus van haar siekte aan die groot klok nie.
Riaan Cruywagen, wat al sedert 1967 met haar bevriend is, het Vrydagaand gesê hy het ’n halfuur voordat Rapport hom geskakel het met haar oor “koeitjies en kalfies” gesels. Hy was nie bewus dat die kanker na haar brein versprei het nie.
“Ek het vir haar gevra hoe gaan dit? Toe sê sy nee dit gaan goed.” Sy het aan Cruywagen gesê sy hoop om hierdie week huis toe te gaan. “Ek is nie in ’n toestand van angs of paniek nie,” het Vels gister gesê.
In ’n onderhoud met Rapport verlede jaar het Vels geskerts dat sy reeds in 1993 “sogenaamd” afgetree het, maar dat “mens moet dankbaar wees as hulle jou steeds kan gebruik”.
