’n Span wetenskaplikes hoop ’n eksoskelet-pak kan dit moontlik maak.
Die “Walk Again”-projek bestaan uit ’n span neuroloë, navorsers en wetenskaplikes van verskeie universiteite wat deur prof. Miguel Nicolelis van die Duke-universiteit in die VSA gelei word.
Die projek behels die bou van ’n robot-eksoskelet wat deur die brein beheer word.
Wetenskaplikes glo dié pakke sal parapleë help om die werk te doen wat hul bene nie meer kan nie.
Die eksoskelet word gekoppel aan ’n toestel op die gebruiker se kop wat deur elektrodes die gebruiker se breingolwe optel.
Die toestel en eksoskelet verander die brein se golwe in fisieke beweging.
Die idee is dat die persoon wat die pak dra, dus aan die pak kan “sê” wat om te doen deur net oor die beweging te dink.
Nicolelis meen die bewegings is hoegenaamd nie soos dié van ’n robot nie.
Sy span lei tans nege Brasilaanse parapleë in São Paulo, Brasilië, op om die eksoskelet te gebruik.
Drie van hulle gaan die openingseremonie bywoon en een gaan dan by die seremonie op die veld stap.
– Bykomende bronne: Mash-able, Fifa, The Guardian.