Publications
Partners
Die klubganger met wie Oscar Pistorius glo vasgesit het, beweer die atleet het by hom gespog sy familie “besit die Suid-Afrikaanse weermag”. Pistorius het glo ook vir hom selfoonfoto’s gewys van pantservoertuie.
Die Pistorius-familie het dié bewering as “bisar” afgemaak.
Die enigste familielid van Oscar wat enige belange in die pantservoertuigbedryf het, is sy oom Theo wat al jare lank N14 Trucks besit. Dié onderneming langs die N14-snelweg op pad Bronkhorstspruit toe het in die verlede vir Mechem, ’n afdeling van Denel, gehelp met die bou en opgradering van Casspir-pantservoertuie wat in die buiteland in vredesoperasies en in ontmyning gebruik is.
Die maatskappy verskaf egter nie pantservoertuie aan die weermag nie. Dit is ook nie ’n amptelike agent vir BAE Systems Land Systems wat Casspirs, Mambas en ander militêre pantservoertuie vir die weermag bou nie.
N14 Trucks voer wel heelwat van die surplus-voorrade pantservoertuie, wat op vendusies deur onder meer die polisie verkoop word, na ander lande uit en bou ook sy eie pantservoertuie wat op Casspirs en Mambas gegrond is.
Só word heelparty van die voertuie as ondersteuning in die Verenigde Nasies se vredesoperasies in Afrika gebruik.
Theo Pistorius se seun Theodore is ook by die onderneming betrokke.
Volgens ingeligtes in die pantservoertuigbedryf het die maatskappy ’n uitstekende reputasie wat geheel en al bo verdenking is. Dit is egter nié – soos wat Oscar na bewering gespog het – ’n rolspeler in die weermag se dag-tot-dag-bedrywighede nie.
Die Pistorius-familie het dié bewering as “bisar” afgemaak.
Die enigste familielid van Oscar wat enige belange in die pantservoertuigbedryf het, is sy oom Theo wat al jare lank N14 Trucks besit. Dié onderneming langs die N14-snelweg op pad Bronkhorstspruit toe het in die verlede vir Mechem, ’n afdeling van Denel, gehelp met die bou en opgradering van Casspir-pantservoertuie wat in die buiteland in vredesoperasies en in ontmyning gebruik is.
Die maatskappy verskaf egter nie pantservoertuie aan die weermag nie. Dit is ook nie ’n amptelike agent vir BAE Systems Land Systems wat Casspirs, Mambas en ander militêre pantservoertuie vir die weermag bou nie.
N14 Trucks voer wel heelwat van die surplus-voorrade pantservoertuie, wat op vendusies deur onder meer die polisie verkoop word, na ander lande uit en bou ook sy eie pantservoertuie wat op Casspirs en Mambas gegrond is.
Só word heelparty van die voertuie as ondersteuning in die Verenigde Nasies se vredesoperasies in Afrika gebruik.
Theo Pistorius se seun Theodore is ook by die onderneming betrokke.
Volgens ingeligtes in die pantservoertuigbedryf het die maatskappy ’n uitstekende reputasie wat geheel en al bo verdenking is. Dit is egter nié – soos wat Oscar na bewering gespog het – ’n rolspeler in die weermag se dag-tot-dag-bedrywighede nie.
