Publications
Partners
Dit moet wonderlik wees om 'n ware All Blacks ondersteuner te wees. Ja, seker ook erg pynlik, elke vier jaar, maar tussen-in vrees hul niemand nie. Die grootste rugby-oorlog bly nogtans die All Blacks teen Bok se kind, alhoewel Bok se kind baie meer groen as goue oomblikke beleef het sedert die sportgode die Republiek terug verwelkom het uit die isolasie-woestyn.
Daar is seker bittermin All Black jeug-ondersteuners wat bewus is dat die Springbokke voor hul hertoetrede die wêreld se baas was. Voor 1992 het die Bok-balansstaat met sewe meer oorwinnings oor die Kiwi's getoon. Die Kiwi's kon eers in 1996 vir die eerste keer sjampanje uit 'n reeks-oorwinningsbeker drink; reeks oorwinning in die Republiek, let wel!
Natuurlik kan daar geredeneer word dat die Bokke se positief oor die Kiwi's was omdat meer toetse in SA gespeel was. In die amateurdae het die tuisland mos die refs voorgestel en die besoekers kon kies, maar die refs het mos ook die tuisland se volkslied gesing. So, verneuk was daar beslis gedurende die vorige eeu.
Sedert hertoetrede was die manne in swart ook ons meesters. Kwotas en politieke inmenging sal onmiddellik genoem word as die redes. Beslis 'n groot rede, ja, maar daar is ook ander. Verkrampte benaderings deur SARU en die afrigters wat hul aangestel het asook swak wedstrydplanne, dat daar nog steeds meer klem op grootte en krag eerder as voetvaardigheid, x-faktor vaardighede en meer aanvallende vryheid aan spelers asook te veel doellose skoppe is ook die ander gifstowwe in SA rugby.
Ian McIntosh was die begin van stampkar-binnesenters. Sy "direkte" rugby het 'n ommeswaai van slim, vlugvoetige en klein, maar vernuftige, binnesenters gebring. Peter Whipp en Mannetjies Roux sou nie nou meer inpas nie.
Groot domonnosel "flanke" sou nou senters speel. Daar was ook sprake later dat die briljante Bob Skinstad dalk moes skuif na senter. Ja, net soos met Sonny Bill Williams nou, kon dit werk, maar Skinstad en Sonny is geen domspelers nie! Aussieboer glo egter nog steeds dat Sonny 'n nog beter toekantflank of no.8 sal wees.
Die All Blacks is die mees suksesvolle span van alle sportsoorte ooit. Hul rekord teen die Bokke het sedert 1992 so verbeter en straal tans as volg: gespeel: 89: All Blacks wen 51 en die Bokke 34 met 3 sustersoene.
Eerlikwaar, die All Blacks se kanse op 'n verloor is tans maar skraal en dit is slegs teen die Pomme op Twickenham, Wallabies in Brisbane en Bokke op Ellispark dat die lande 'n geringe kans het, so dan en wan. Die Bokke en Kiwi's op Ellispark toon dat die Bokke daar 8-4 koning gekraai het! Kan hul dit Saterdag weer doen?
Balle op die guillotine!
Bokke met 2 en die Poemas met 4?
