Publications
Partners
Daar is diegene wat van die see hou en dan is daar die mense wat die ooptes van die Bosveld waardeer. Sy is beslis ’n bosmens, skryf Margaret Mentz, want niks kom by ’n afgeëtsde witkruisarend teen ’n sakkende Afrika-son nie.
Botswana lê knus tussen Namibië, Zimbabwe, Mosambiek en Suid-Afrika en dié buurland het ’n ryk geskiedenis en vriendelike inwoners.
Die eerste inwoners was die San-mense, wat gevolg is deur die Tswanas. Die grootste aantrekking vir toeriste is die bekende wildreservate en lodges en behalwe vir die diamant- en beesvleisbedrywe is toerisme een van die belangrikste in Botswana. Met meer as 17% van die land se grondgebied wat aan wildreservate en nasionale parke afgestaan is, kan die reisiger kies en keur tussen die groen Okavango-delta in die noorde tot die Kalahari-duine in die suide.
Nadat ons by die Kensane-lughawe geland het, is dit sowat ’n anderhalf uur voordat ons by die Ngoma Safari Lodge aankom wat ’n welkome ervaring is.
Dit is warm soos net Afrika kan wees en die reën het nog nie die aarde se dors kom les nie.
Die vriendelike personeel bedien ons met yskoue waslappies en ’n glasie vrugtesap. Ngoma se grasdakke is ’n lafenis vir ’n moeë siel en smelt saam met die Bosveld.
Vanuit die oop sitkamer by die hoofgebou begroet die mooiste gesig ons: die Choberivier, wat blink soos ’n kronkelende slang en ook as grens dien tussen Botswana en Namibië.
Die lodge spreek van weelde, maar nie oordadigheid nie. Die dekor is ’n vermenging van rustieke en etniese style; met natuurlike afwerkings en die wagwoorde gemak en ooptes.
Stap jy uit die oop sitkamer bevind jy jou op ’n uitkykdek en die wild loop sommer hier neffens jou verby.
Ons vertrek op ons laatmiddag-wildrit en net toe ek dink daar is geen diere in die Chobe nie, sien ons olifante wat soos reuse voor ons uitrys. En daarna is dit of die park se “bostelefoon” rooiwarm raak, want ons sien sebras, kameelperde en ’n groot gros ander diere en voëls.
Aandete is verruklik en jy kan nie in Botswana kuier en nie bees- of skaapvleis eet nie.
Daar is heelwat aktiwiteite by die lodge, maar, dink ek by myself, dit sal heerlik wees om vir ’n dag luilekker by die lodge te kuier, ’n glasie met iets borrelends by die swembad te lê en drink en die saligheid en ongestoordheid van die omgewing in te adem.
Dié lodge sal my vir seker weer sien.
goed om te weet
Die aktiwiteite by die lodge sluit in:
* Voldaguitstappie – Dit sluit ’n bootrit op die Choberivier, ’n wildrit in die Chobe Nasionale Park en ’n heerlike piekniek in. Die uitstappie begin ná ontbyt en gaste is teen 18:30 terug.
* Wildritte – ’n Mens sien gewoonlik olifante op die wildritte. Die park beslaan sowat 11 700 km2 en is bekend om sy wild- en voëllewe.
* Wildstaproetes – Die staproetes word in die Chobe-reservaat deur gidse van die lodge aangebied. Dit begin vroegoggend en stappers is voor ontbyt terug by die lodge.
* Bootritte op die rivier – Indien jy nie die hele uitstappie wil meemaak nie, kan jy plek op die rivierbootrit bespreek.
* Plaaslike gemeenskap – Daar is ook begeleide toere na die laerskool en plaaslike gemeenskap.
* Vir meer inligting, besoek www.africaalbidatourism.com.
Botswana lê knus tussen Namibië, Zimbabwe, Mosambiek en Suid-Afrika en dié buurland het ’n ryk geskiedenis en vriendelike inwoners.
Die eerste inwoners was die San-mense, wat gevolg is deur die Tswanas. Die grootste aantrekking vir toeriste is die bekende wildreservate en lodges en behalwe vir die diamant- en beesvleisbedrywe is toerisme een van die belangrikste in Botswana. Met meer as 17% van die land se grondgebied wat aan wildreservate en nasionale parke afgestaan is, kan die reisiger kies en keur tussen die groen Okavango-delta in die noorde tot die Kalahari-duine in die suide.
Nadat ons by die Kensane-lughawe geland het, is dit sowat ’n anderhalf uur voordat ons by die Ngoma Safari Lodge aankom wat ’n welkome ervaring is.
Dit is warm soos net Afrika kan wees en die reën het nog nie die aarde se dors kom les nie.
Die vriendelike personeel bedien ons met yskoue waslappies en ’n glasie vrugtesap. Ngoma se grasdakke is ’n lafenis vir ’n moeë siel en smelt saam met die Bosveld.
Vanuit die oop sitkamer by die hoofgebou begroet die mooiste gesig ons: die Choberivier, wat blink soos ’n kronkelende slang en ook as grens dien tussen Botswana en Namibië.
Die lodge spreek van weelde, maar nie oordadigheid nie. Die dekor is ’n vermenging van rustieke en etniese style; met natuurlike afwerkings en die wagwoorde gemak en ooptes.
Stap jy uit die oop sitkamer bevind jy jou op ’n uitkykdek en die wild loop sommer hier neffens jou verby.
Ons vertrek op ons laatmiddag-wildrit en net toe ek dink daar is geen diere in die Chobe nie, sien ons olifante wat soos reuse voor ons uitrys. En daarna is dit of die park se “bostelefoon” rooiwarm raak, want ons sien sebras, kameelperde en ’n groot gros ander diere en voëls.
Aandete is verruklik en jy kan nie in Botswana kuier en nie bees- of skaapvleis eet nie.
Daar is heelwat aktiwiteite by die lodge, maar, dink ek by myself, dit sal heerlik wees om vir ’n dag luilekker by die lodge te kuier, ’n glasie met iets borrelends by die swembad te lê en drink en die saligheid en ongestoordheid van die omgewing in te adem.
Dié lodge sal my vir seker weer sien.
goed om te weet
Die aktiwiteite by die lodge sluit in:
* Voldaguitstappie – Dit sluit ’n bootrit op die Choberivier, ’n wildrit in die Chobe Nasionale Park en ’n heerlike piekniek in. Die uitstappie begin ná ontbyt en gaste is teen 18:30 terug.
* Wildritte – ’n Mens sien gewoonlik olifante op die wildritte. Die park beslaan sowat 11 700 km2 en is bekend om sy wild- en voëllewe.
* Wildstaproetes – Die staproetes word in die Chobe-reservaat deur gidse van die lodge aangebied. Dit begin vroegoggend en stappers is voor ontbyt terug by die lodge.
* Bootritte op die rivier – Indien jy nie die hele uitstappie wil meemaak nie, kan jy plek op die rivierbootrit bespreek.
* Plaaslike gemeenskap – Daar is ook begeleide toere na die laerskool en plaaslike gemeenskap.
* Vir meer inligting, besoek www.africaalbidatourism.com.
