Publications
Partners
Lank gelede, in die dae toe Afrikaanse musiek nog luisterbaar was, het Johannes Kerkorrel baie goeie raad gehad vir mense wat verveeld was met dít wat op die kassie is: Sit dit af, sit dit af.
Maar anders as in Kerkorrel se dae (toe die alternatiewe nie veel verder as TV4 gestrek het nie) kan mens deesdae boonop van kanaal verander. ’n Mens gebruik die lang, swart affêre met die kleurryke knoppies daarvoor (vra gerus die bure se bleeksielseun as jy nie weet hoe joune werk nie).
Hierdie fantastiese eienskappe van die televisie maak dit natuurlik baie moeilik om te verstaan waarom enigiemand ooit hoef te kla oor die inhoud van enige program op TV.
Dit in ag geneem, wil ek aanbeveel dat preutse klaers – veral diegene wat nie hou van epiese sages, seks en bloed, Tolkien-agtige fantasieë, barok-geïnspireerde wesens en flambojante binnehuisversiering en nog seks en bloed nie – asseblief sorg dat hul afstandbeheerder (en die bure se bleeksielseun) Vrydagaand byderhand is. Dit is wanneer die vierde reeks van die gewilde (maar ook omstrede) fantasiereeks Game of Thrones op M-Net begin.
“Fantasiereeks” beteken beslis nie dit is ’n kinderprogram vol feetjies en dwergies nie.
Wel, orraait, daar is een dwerg, maar hy tel nie, want hy’s ’n regte dwerg. Wel, soort van. Hy’s ’n regte dwerg wat die rol van ’n fiktiewe dwerg vertolk – een van die sleutelkarakters in Game of Thrones.
En sowel die akteur Peter Dinklage as sy karakter, Tyrion Lannister, word eerder as reuse in die vermaakwêreld beskou en die hoofrede waarom baie mense die reeks so eerbiedig aanhang. En dis nie net omdat Dinklage die twyfelagtige entiteit wat bekend staan as Brangelina afgejak het toe hy sy Golden Globe-prys vir sy rol in Game of Thrones gaan haal het nie.
Dis eerder omdat hy die snerpende, sardoniese en diep melankoliese Tyrion Lannister so uitstekend vertolk dat mens jou skaars die verhaal sonder hom kan voorstel.
Gelukkig strek Dinklage, ’n onpretensieuse New Jersey-boorling, se skerpsinnigheid en vermoë om te verras verder as net sy seksbehebte karakter. Toe een van die selebriteit-versotte Amerikaanse joernaliste hom vra of hy as die groot, nuwe kleinkassie-ster baie rondslaap, was sy antwoord: “If by getting lots of p***y means wearing old man’s sweaters and watering my herb garden, then absolutely, I’m getting lots of it.”
So gewild het hy geword dat toe die vervaardiger HBO verlede jaar in ’n April-grap aankondig hulle gaan hom vervang, die waansinnige uitbarsting onder Dinklage-dwepers die netwerk genoop het om verskoning te vra vir die grap.
En só, dank al die half-gode van Westeros, stuwe die reeks voort met die geniepsige half-held.
En saam met hom en sy bloedskandelike broer en suster en hul genadelose vader (ewe uitstekend vertolk deur Charles Dance, een van die beste booswig-aristokraat-vertolkers op aarde), kan plaaslike Thrones-aanhangers opnuut probeer sin maak van die sewe koninkryke wat spook om die Ystertroon.
Dis reeds etlike maande sedert die skokkende, swaard-swaaiende orgie van bloed waarmee die derde reeks geëindig het. Al wat prominente rolspeler is, is in die onverwagte “Red Wedding”-toneel uitgewis en slegs die muskiete, kokkerotte en skoonmakers het oorgebly.
Die vraag is dus: Wie gaan uit dié pynhoop herrys?
Die nuwe reeks is ook die eerste een wat ernstig gaan afwyk van George R. R. Martin se sewe boek dikke swaard-en-seks-sage.
Al wat in dié stadium seker is, is dat die verbete stryd tussen die vyf konings ten einde gaan loop en dat Jaime Lannister, sonder sy een hand en al, dreig om die mees eerbare man in die land te word.
En, of niemand hul les geleer het uit die vorige bruilofspoging nie, berei die ganse Lannister-koningshuis hom voor vir ’n “Purple Wedding”, die een tussen die afskuwelike jong koning Joffrey en Margaery in Kings Landing...
Seisoen 4 van Game of Thrones begin Vrydag om 21:30 op M-Net (kanaal 101). Heruitsendings van die eerste drie reekse is op ander DStvkanale beskikbaar.
Maar anders as in Kerkorrel se dae (toe die alternatiewe nie veel verder as TV4 gestrek het nie) kan mens deesdae boonop van kanaal verander. ’n Mens gebruik die lang, swart affêre met die kleurryke knoppies daarvoor (vra gerus die bure se bleeksielseun as jy nie weet hoe joune werk nie).
Hierdie fantastiese eienskappe van die televisie maak dit natuurlik baie moeilik om te verstaan waarom enigiemand ooit hoef te kla oor die inhoud van enige program op TV.
Dit in ag geneem, wil ek aanbeveel dat preutse klaers – veral diegene wat nie hou van epiese sages, seks en bloed, Tolkien-agtige fantasieë, barok-geïnspireerde wesens en flambojante binnehuisversiering en nog seks en bloed nie – asseblief sorg dat hul afstandbeheerder (en die bure se bleeksielseun) Vrydagaand byderhand is. Dit is wanneer die vierde reeks van die gewilde (maar ook omstrede) fantasiereeks Game of Thrones op M-Net begin.
“Fantasiereeks” beteken beslis nie dit is ’n kinderprogram vol feetjies en dwergies nie.
Wel, orraait, daar is een dwerg, maar hy tel nie, want hy’s ’n regte dwerg. Wel, soort van. Hy’s ’n regte dwerg wat die rol van ’n fiktiewe dwerg vertolk – een van die sleutelkarakters in Game of Thrones.
En sowel die akteur Peter Dinklage as sy karakter, Tyrion Lannister, word eerder as reuse in die vermaakwêreld beskou en die hoofrede waarom baie mense die reeks so eerbiedig aanhang. En dis nie net omdat Dinklage die twyfelagtige entiteit wat bekend staan as Brangelina afgejak het toe hy sy Golden Globe-prys vir sy rol in Game of Thrones gaan haal het nie.
Dis eerder omdat hy die snerpende, sardoniese en diep melankoliese Tyrion Lannister so uitstekend vertolk dat mens jou skaars die verhaal sonder hom kan voorstel.
Gelukkig strek Dinklage, ’n onpretensieuse New Jersey-boorling, se skerpsinnigheid en vermoë om te verras verder as net sy seksbehebte karakter. Toe een van die selebriteit-versotte Amerikaanse joernaliste hom vra of hy as die groot, nuwe kleinkassie-ster baie rondslaap, was sy antwoord: “If by getting lots of p***y means wearing old man’s sweaters and watering my herb garden, then absolutely, I’m getting lots of it.”
So gewild het hy geword dat toe die vervaardiger HBO verlede jaar in ’n April-grap aankondig hulle gaan hom vervang, die waansinnige uitbarsting onder Dinklage-dwepers die netwerk genoop het om verskoning te vra vir die grap.
En só, dank al die half-gode van Westeros, stuwe die reeks voort met die geniepsige half-held.
En saam met hom en sy bloedskandelike broer en suster en hul genadelose vader (ewe uitstekend vertolk deur Charles Dance, een van die beste booswig-aristokraat-vertolkers op aarde), kan plaaslike Thrones-aanhangers opnuut probeer sin maak van die sewe koninkryke wat spook om die Ystertroon.
Dis reeds etlike maande sedert die skokkende, swaard-swaaiende orgie van bloed waarmee die derde reeks geëindig het. Al wat prominente rolspeler is, is in die onverwagte “Red Wedding”-toneel uitgewis en slegs die muskiete, kokkerotte en skoonmakers het oorgebly.
Die vraag is dus: Wie gaan uit dié pynhoop herrys?
Die nuwe reeks is ook die eerste een wat ernstig gaan afwyk van George R. R. Martin se sewe boek dikke swaard-en-seks-sage.
Al wat in dié stadium seker is, is dat die verbete stryd tussen die vyf konings ten einde gaan loop en dat Jaime Lannister, sonder sy een hand en al, dreig om die mees eerbare man in die land te word.
En, of niemand hul les geleer het uit die vorige bruilofspoging nie, berei die ganse Lannister-koningshuis hom voor vir ’n “Purple Wedding”, die een tussen die afskuwelike jong koning Joffrey en Margaery in Kings Landing...
Seisoen 4 van Game of Thrones begin Vrydag om 21:30 op M-Net (kanaal 101). Heruitsendings van die eerste drie reekse is op ander DStvkanale beskikbaar.
