Share

Maretta Bellingan: Aanvaar die uitnodiging en dra die gevolge

Aan jou vriende sal jy geken word, is een van die eerste uitdrukkings wat die meeste van ons as kind geleer het.

Ma en Pa se manier om vir jou te sê dat listige Lettie met die love bites en dowwe Daantjie wat al op tien begin Texan Plain rook het, darem nie is hoe hulle jóú grootgemaak het nie.

Maar deur die jare begin jy jou eie kop volg en voel meestal aangetrokke tot mense wat met dieselfde oë na die lewe kyk as jy. Jy sluit hegte vriendskappe wat die toets van tyd sal deurstaan, ander sneuwel om verskeie redes langs die pad. Want soos nóg ’n uitdrukking sê, mense kom in jou lewe vir ’n rede, ’n seisoen of ’n leeftyd.

Om te trek is ’n toets wat min vriendskappe deurstaan. Dis ook ’n manier om te bepaal wie regtig lojaal is en vir wie dit net te veel moeite is om kontak te hou.

En as die plek waarheen jy trek Kaapstad is, ’n stad bekend daarom dat sy inwoners nie besonder gasvry is en nuwe intrekkers met ope arms ontvang nie, kan jy nie te uitsoekerig wees nie. Jy sal noodgedwonge nou en dan ’n uitnodiging aanvaar wat jou later laat wonder of dit nie meer opwindend sou wees om tuis te bly en mussies vir jou wasgoedpennetjies te brei nie.

’n Vriend se nuwe meisie, ietwat eksentriek en deur die blare, hou ’n visbraai en jy is op die gastelys.

Jy het al saam met Muizenberg se bejaardes in ’n bus blomme gaan kyk en een yskoue Desemberaand die Kersliggies by ’n ouetehuis in Plumstead gaan besigtig, so jy is voorbereid op die onbekende.

Jy neem plaas in die enigste leë tuinstoel wat heeltyd voel of dit agteroor wil neuk. ’n Vurige Amerikaanse rooikop wat met ’n sendeling getroud is, maar later sê daar is niks mooier as twee vroue wat vry nie, maak verskoning dat sy so baie praat, maar bly nie vir ’n oomblik stil nie.

Dan is daar die jongman wat ’n sportsoort beoefen wat behels dat jy op kranse hardloop en verduidelik hy doen dit omdat daar net te veel ure in ’n dag is en sy hemp uittrek om sy littekens én sy sespak te wys.

’n Russiese narkotiseur gesels hartlik saam, maar niemand verstaan ’n woord wat hy sê nie.

En ’n werklose, kaalvoet man met lang, grys spookasem-hare sit dwarsdeur die partytjie en mediteer.

Onderweg huis toe kyk ek hoe die beeldskone volmaan se lig oor die see val.

Ten minste is daar vanaand net ’n geelstert geoffer.
We live in a world where facts and fiction get blurred
Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.
Join News24 today
heading
description
username
Show Comments ()
Voting Booth
Do you think corruption-accused National Assembly Speaker Nosiviwe Mapisa-Nqakula will survive a motion of no confidence against her?
Please select an option Oops! Something went wrong, please try again later.
Results
No, her days are numbered
41% - 459 votes
Yes, the ANC caucus will protect her
59% - 665 votes
Vote
Rand - Dollar
18.94
-0.0%
Rand - Pound
23.91
-0.0%
Rand - Euro
20.41
+0.1%
Rand - Aus dollar
12.33
+0.1%
Rand - Yen
0.13
-0.0%
Platinum
908.05
+1.2%
Palladium
1,014.94
0.0%
Gold
2,232.75
-0.0%
Silver
24.95
-0.1%
Brent Crude
87.00
+1.8%
Top 40
68,346
0.0%
All Share
74,536
0.0%
Resource 10
57,251
0.0%
Industrial 25
103,936
0.0%
Financial 15
16,502
0.0%
All JSE data delayed by at least 15 minutes Iress logo
Editorial feedback and complaints

Contact the public editor with feedback for our journalists, complaints, queries or suggestions about articles on News24.

LEARN MORE