Medupi gaan eers in die tweede helfte van volgende jaar aan die nasionale netwerk begin elektrisiteit lewer.
Die projek is bykans drie en ’n half jaar laat. Die eerste eenheid sou aanvanklik in die eerste helfte van 2011 begin draai het.
Die boukoste is aanvanklik op R76 miljard geraam, maar staan nou op R103 miljard.
Sedert die bouwerk in 2006 begin het, het ’n volle jaar – 365 dae – verlore gegaan weens stakings en ander arbeidsoptrede, het Andrew Etzinger, woordvoerder van Eskom, op ’n mediabesoek aan Medupi gesê.
Die spanning laai op oor die eerste ontbranding van die drukketel van Eenheid 6, die eerste opwekkingseenheid wat op 24 Desember aangeskakel word.
Lees alles oor dié enorme projek hier: Medupi: Die groot aftel begin
* Op 1 Oktober smelt die webwerf van Die Burger, Beeld, Volksblad en Rapport saam op Netwerk24. Kry voortaan al jou Sake- en ander nuus op dié webwerf, sewe dae per week.