Publications
Partners
Londen. – Vandag gaan die Britse atleet Mo Farah nie so maklik kat en muis met sy teenstanders speel soos hy die afgelope twee jaar ’n gewoonte daarvan gemaak het nie.
’n Paar groot honde gaan vir hom in die Londen-marathon – sy debuut-marathon – blaf.
Verlede jaar was hy die wêreldkampioen in die 5 000 en 10 000 en twee jaar terug het hy hier voor sy tuisskare Olimpiese goud in dié einste twee items geproe.
In albei gevalle het dit nooit voorgekom of enigeen enigsins ’n bedreiging vir hom ingehou het nie. Maar vandag is dit ’n ander storie.
Hy moet dié keer vier keer verder hardloop. Farah het juis verlede maand inmekaar gesak pas nadat hy die New York-halfmarathon voltooi het.
Farah het wyslik alle bewerings ontken dat hy vandag kan wen.
Pleks daarvan, mik hy daarna om Steve Jones se Britse rekord van 2:07:13 te verbeter, wat reeds in 1985 opgestel is.
Alle oë sal op drie Keniane wees: Wilson Kipsang, wat in September die wêreldrekord na 2:03:23 laat krimp het, Emmamuel Mutai, wat die rekord vir dié marathon hou, en Geoffrey Mutai, wat die New York-marathon twee keer gewen het.
Drie ander groot name is die Olimpiese- en wêreldkampioen, Stephen Kiprotich van Uganda, Tsegaye Kebede van Ethiopië, twee keer ’n wenner van die Londen-marathon, en sy 40-jarige landgenoot, die legendariese langasem Haile Gebrselassie, wat vandag die pas aangee.
’n Paar groot honde gaan vir hom in die Londen-marathon – sy debuut-marathon – blaf.
Verlede jaar was hy die wêreldkampioen in die 5 000 en 10 000 en twee jaar terug het hy hier voor sy tuisskare Olimpiese goud in dié einste twee items geproe.
In albei gevalle het dit nooit voorgekom of enigeen enigsins ’n bedreiging vir hom ingehou het nie. Maar vandag is dit ’n ander storie.
Hy moet dié keer vier keer verder hardloop. Farah het juis verlede maand inmekaar gesak pas nadat hy die New York-halfmarathon voltooi het.
Farah het wyslik alle bewerings ontken dat hy vandag kan wen.
Pleks daarvan, mik hy daarna om Steve Jones se Britse rekord van 2:07:13 te verbeter, wat reeds in 1985 opgestel is.
Alle oë sal op drie Keniane wees: Wilson Kipsang, wat in September die wêreldrekord na 2:03:23 laat krimp het, Emmamuel Mutai, wat die rekord vir dié marathon hou, en Geoffrey Mutai, wat die New York-marathon twee keer gewen het.
Drie ander groot name is die Olimpiese- en wêreldkampioen, Stephen Kiprotich van Uganda, Tsegaye Kebede van Ethiopië, twee keer ’n wenner van die Londen-marathon, en sy 40-jarige landgenoot, die legendariese langasem Haile Gebrselassie, wat vandag die pas aangee.
