Publications
Partners
Suid-Afrikaanse rugby het dalk selfs groter probleme as wat die swartgalliges ons wil wysmaak.
Dís al afleiding wat jy kan maak ná die getjommel wat Saterdag hier op Kingspark in Durban opgedis is in die Haaie se Super-rugbysege met 19-8 oor die Cheetahs.
As daar vanjaar ’n swakker wedstryd as hierdie in Super-rugby gaan wees, moet jy maar net hoop jou swaarverdiende kontant gaan nie bestee word om dit gade te slaan nie.
Word daar ooit ’n video gemaak van hoe rugby nie gespeel moet word nie, sal hierdie wedstryd gebruik word.
Of dit nou die luilekker vakansieluim is wat die land beetgepak en na die spelers oorgespoel het, sal ’n mens nie weet nie, maar ai, daar moes ’n ouderdomsbeperking op hierdie een gewees het.
Sommer al in die eerste minuut moes die Haaie die krieweling begin kry het dinge gaan nie so glad verloop soos hulle dit beplan het nie, toe Tim Swiel ’n strafskop voor die pale verbrou het.
Hy het dit in die laaste minuut van die eerste helfte herhaal met ’n skop wat die tuisspan die voortou sou laat neem het in ’n hoogs oninspirerende helfte.
Waarom die groentjie Swiel aanvanklik met die stelskopwerk toevertrou is, terwyl jy die betroubare kanonpoot van Frans Steyn het, weet nugter alleen.
Met die vrotsigheid van die eerste 40 minute, moes die toeskouers gemeen het ’n middag op die strand sou ’n veel beter proposisie gewees het.
Trouens, só swak was dit, dat ’n besoek aan die stadsbiblioteek veel meer opwindend sou wees.
Dit was fout ná fout ná fout wat deur albei spanne begaan is.
Net by enkele geleenthede was daar stukkies spel om opgewonde oor te raak. Heinrich Brüssow het in sy eerste wedstryd van die seisoen ’n goeie duikslag op Lwazi Mvovo uitgevoer en besit afgeneem.
Later in daardie selfde beweging het Beast Mtawarira by twee geleenthede prominent met die bal gehardloop, maar soos deurgaans in dié helfte, het dit op niks uitgeloop nie.
Brüssow se kenmerkende wit skrumpet was heel opvallend, terwyl die Haaie ’n paar keer gedreig het om aan die gang te kom, maar helaas.
Die telbord was ook met vakansie in daardie eerste helfte en het net twee keer beweeg. Die spanne het op 3-3 gaan herbesin.
Dit was onvermydelik dat die eerste drie van ’n fout, eerder as konstruktiewe spel, sou kom – en dit was ook net so toe daar op ’n lynskop van Steyn afgestorm is en Ryno Benjamin gaan druk het.
Die Haaie het in die laaste paar minute uit hul slaap wakker geskrik, maar selfs dít het nie op veel uitgeloop nie.
Punte:
Haaie 19 (3): Drie: Jean Deysel. Doelskop: Frans Steyn. Strafdoele: Tim Swiel, Steyn (3).
Cheetahs 8 (3): Drie: Ryno Benjamin. Strafdoel: Elgar Watts.
Dís al afleiding wat jy kan maak ná die getjommel wat Saterdag hier op Kingspark in Durban opgedis is in die Haaie se Super-rugbysege met 19-8 oor die Cheetahs.
As daar vanjaar ’n swakker wedstryd as hierdie in Super-rugby gaan wees, moet jy maar net hoop jou swaarverdiende kontant gaan nie bestee word om dit gade te slaan nie.
Word daar ooit ’n video gemaak van hoe rugby nie gespeel moet word nie, sal hierdie wedstryd gebruik word.
Of dit nou die luilekker vakansieluim is wat die land beetgepak en na die spelers oorgespoel het, sal ’n mens nie weet nie, maar ai, daar moes ’n ouderdomsbeperking op hierdie een gewees het.
Sommer al in die eerste minuut moes die Haaie die krieweling begin kry het dinge gaan nie so glad verloop soos hulle dit beplan het nie, toe Tim Swiel ’n strafskop voor die pale verbrou het.
Hy het dit in die laaste minuut van die eerste helfte herhaal met ’n skop wat die tuisspan die voortou sou laat neem het in ’n hoogs oninspirerende helfte.
Waarom die groentjie Swiel aanvanklik met die stelskopwerk toevertrou is, terwyl jy die betroubare kanonpoot van Frans Steyn het, weet nugter alleen.
Met die vrotsigheid van die eerste 40 minute, moes die toeskouers gemeen het ’n middag op die strand sou ’n veel beter proposisie gewees het.
Trouens, só swak was dit, dat ’n besoek aan die stadsbiblioteek veel meer opwindend sou wees.
Dit was fout ná fout ná fout wat deur albei spanne begaan is.
Net by enkele geleenthede was daar stukkies spel om opgewonde oor te raak. Heinrich Brüssow het in sy eerste wedstryd van die seisoen ’n goeie duikslag op Lwazi Mvovo uitgevoer en besit afgeneem.
Later in daardie selfde beweging het Beast Mtawarira by twee geleenthede prominent met die bal gehardloop, maar soos deurgaans in dié helfte, het dit op niks uitgeloop nie.
Brüssow se kenmerkende wit skrumpet was heel opvallend, terwyl die Haaie ’n paar keer gedreig het om aan die gang te kom, maar helaas.
Die telbord was ook met vakansie in daardie eerste helfte en het net twee keer beweeg. Die spanne het op 3-3 gaan herbesin.
Dit was onvermydelik dat die eerste drie van ’n fout, eerder as konstruktiewe spel, sou kom – en dit was ook net so toe daar op ’n lynskop van Steyn afgestorm is en Ryno Benjamin gaan druk het.
Die Haaie het in die laaste paar minute uit hul slaap wakker geskrik, maar selfs dít het nie op veel uitgeloop nie.
Punte:
Haaie 19 (3): Drie: Jean Deysel. Doelskop: Frans Steyn. Strafdoele: Tim Swiel, Steyn (3).
Cheetahs 8 (3): Drie: Ryno Benjamin. Strafdoel: Elgar Watts.
