Publications
Partners
Sedert die ontstaan van die Varsitybeker-rugbyreeks in 2008 was dit duidelik dat dié kompetisie jaarliks nuwe spelers tot hoër hoogtes gaan lanseer.
Vandag kan ons reeds terugkyk op suksesverhale soos dié van Juan de Jongh (Maties), Robert Ebersohn (Shimlas), Eben Etzebeth en Demetri Catrakilis (albei Ikeys) om net ’n paar te noem.
Intussen het dié reeks selfs meer mededingend geword – en die riller-eindstryd die afgelope Maandag tussen die NWU-Pukke en die uiteindelike wenner, die Universiteit van Kaapstad se Ikeys, is sekerlik die hoogtepunt ná sewe seisoene in die reeks se bestaan.
Daar was dalk ook nóg meer spelers op skou wat die potensiaal het om dit ver te bring – en tussen baie ander kandidate, lys ons ’n paar:
* Robert du Preez (Maties): Robert junior het met die pedigree as leenlosskakel van die Haaie-akademie by die Maties aangeland.
Nie net is sy pa en naamgenoot ’n oud-Springbok nie, maar hy het verlede jaar reeds die Jong Bokkies verteenwoordig.
In die Matie-trui het klein Robert egter die soort afgeronde vertonings begin lewer wat hom werklik ’n gesogte jong man in Suid-Afrika gemaak het.
Selfs wanneer sy span nie altyd hond haar-af gemaak het nie, was hy goed.
En só het die Westelike Provinsie kom klop, en met die sluit van ’n kontrak, dalk net ’n baie groot vis gevang.
* Luther Obi (Pukke): Sterk, vinnig en opwindend.
Sy twitternaam is Popeye – en hy het nogmaals vanjaar die oë laat rek wanneer hy bal onder die arm sy ore platgetrek het.
Maar dit was ook, baie belangrik, sy verdediging wat beïndruk het.
Obi is ook ’n Jong Bokkie en dié gebore Nigeriër was vroeër vanjaar in die Leeus se vergrote Super-oefengroep.
Dis nie net in Johannesburg waar die belangstelling in hom groot is nie, want die Blou Bulle vry glo ook na dié spoedvraat.
Tog het die Luiperds einde 2013 ’n kontrak van twee jaar met hom gesluit.
* Huw Jones (Ikeys): WP-rugby kan doen met ’n nuwe senter-aanwins soos dié, veral in ag genome dat Jean de Villiers nie meer vir te lank daar gaan wees nie.
Jones was die beste senter in vanjaar se Varsity-reeks.
En sonder dat hy ’n WP-kontrak het, is hy dié week sonder ’n oomblik se aarseling in die Streeptruie se Vodacombeker-span gekies.
Danksy die uitstekende balverspreiding van die Ikeys-losskakel Dean Grant, het Jones vanjaar genoeg van die bal te sien gekry.
* Akker van der Merwe (Pukke): Akker die haker was van begin tot einde ’n woelige makker in die Pukke se opmars tot in die eindstryd.
Wanneer Curriebeker-tyd aanbreek, sal hy by die Luiperds om ’n plek met ander knap hakers soos Edgar Marutlulle, JC Oberholzer, Jacques Vermaak en Marius Fourie meeding.
Moenie verbaas wees as ander unies reeds oor Akker navraag gedoen het nie.
* Ruhan Nel (Wits): Hy het reeds Curriebeker-rugby vir die Goue Leeus gespeel.
Wits het vanjaar nie ’n wedstryd gewen nie, maar hul wedstryde was die kyk werd bloot om Nel, week ná week hul uitblinker, in aksie te sien.
Trouens, hy kan nie ver van die Leeus se Super-rugbyspan af wees nie.
* Digby Webb (Ikeys): Dit was reeds Webb se derde jaar in Ikeys se Varsitybeker-voorry en vanjaar het hy hom as ’n afgeronde vaskopstut laat geld. Die WP soek mos juis nog sulkes?
* Sylvian Mahuza (Pukke): Nóg een van die Luiperds se Jong Bokkies wat tans by dié unie gekontrakteer is.
’n Dodelike teenaanvaller uit die laaste vesting, met die soort vaart en versnelling wat sy gebrek aan grootte irrelevant maak.
* Rhyk Welgemoed (Pukke): Saam met sy ander vrinne in die Puk-lostrio, soos Stompie de Wet, HP Swart en Juan Language, het Welgemoed ’n groot rol in die Puk-prestasies gespeel.
’n Indrukwekkende baldraer waaraan die Luiperds sal wil vasklou.
* Shaun McDonald (Ikeys): Hy het verdedigers pimpel en pers gestorm – en al is sy 192 cm dalk nie slot-agtig lank nie, kan hy as losvoorspeler ’n bruikbare provinsiale speler word.
* Stefan Willemse (Madibaz): Die NMMU het in die sterk flank Chris Cloete oor ’n goeie drieëvraat beskik, maar die fisieke Willemse was dié span se anker – of dit nou op slot of flank was.
Hy is tans in die OP-Kings se kraal.
Vandag kan ons reeds terugkyk op suksesverhale soos dié van Juan de Jongh (Maties), Robert Ebersohn (Shimlas), Eben Etzebeth en Demetri Catrakilis (albei Ikeys) om net ’n paar te noem.
Intussen het dié reeks selfs meer mededingend geword – en die riller-eindstryd die afgelope Maandag tussen die NWU-Pukke en die uiteindelike wenner, die Universiteit van Kaapstad se Ikeys, is sekerlik die hoogtepunt ná sewe seisoene in die reeks se bestaan.
Daar was dalk ook nóg meer spelers op skou wat die potensiaal het om dit ver te bring – en tussen baie ander kandidate, lys ons ’n paar:
* Robert du Preez (Maties): Robert junior het met die pedigree as leenlosskakel van die Haaie-akademie by die Maties aangeland.
Nie net is sy pa en naamgenoot ’n oud-Springbok nie, maar hy het verlede jaar reeds die Jong Bokkies verteenwoordig.
In die Matie-trui het klein Robert egter die soort afgeronde vertonings begin lewer wat hom werklik ’n gesogte jong man in Suid-Afrika gemaak het.
Selfs wanneer sy span nie altyd hond haar-af gemaak het nie, was hy goed.
En só het die Westelike Provinsie kom klop, en met die sluit van ’n kontrak, dalk net ’n baie groot vis gevang.
* Luther Obi (Pukke): Sterk, vinnig en opwindend.
Sy twitternaam is Popeye – en hy het nogmaals vanjaar die oë laat rek wanneer hy bal onder die arm sy ore platgetrek het.
Maar dit was ook, baie belangrik, sy verdediging wat beïndruk het.
Obi is ook ’n Jong Bokkie en dié gebore Nigeriër was vroeër vanjaar in die Leeus se vergrote Super-oefengroep.
Dis nie net in Johannesburg waar die belangstelling in hom groot is nie, want die Blou Bulle vry glo ook na dié spoedvraat.
Tog het die Luiperds einde 2013 ’n kontrak van twee jaar met hom gesluit.
* Huw Jones (Ikeys): WP-rugby kan doen met ’n nuwe senter-aanwins soos dié, veral in ag genome dat Jean de Villiers nie meer vir te lank daar gaan wees nie.
Jones was die beste senter in vanjaar se Varsity-reeks.
En sonder dat hy ’n WP-kontrak het, is hy dié week sonder ’n oomblik se aarseling in die Streeptruie se Vodacombeker-span gekies.
Danksy die uitstekende balverspreiding van die Ikeys-losskakel Dean Grant, het Jones vanjaar genoeg van die bal te sien gekry.
* Akker van der Merwe (Pukke): Akker die haker was van begin tot einde ’n woelige makker in die Pukke se opmars tot in die eindstryd.
Wanneer Curriebeker-tyd aanbreek, sal hy by die Luiperds om ’n plek met ander knap hakers soos Edgar Marutlulle, JC Oberholzer, Jacques Vermaak en Marius Fourie meeding.
Moenie verbaas wees as ander unies reeds oor Akker navraag gedoen het nie.
* Ruhan Nel (Wits): Hy het reeds Curriebeker-rugby vir die Goue Leeus gespeel.
Wits het vanjaar nie ’n wedstryd gewen nie, maar hul wedstryde was die kyk werd bloot om Nel, week ná week hul uitblinker, in aksie te sien.
Trouens, hy kan nie ver van die Leeus se Super-rugbyspan af wees nie.
* Digby Webb (Ikeys): Dit was reeds Webb se derde jaar in Ikeys se Varsitybeker-voorry en vanjaar het hy hom as ’n afgeronde vaskopstut laat geld. Die WP soek mos juis nog sulkes?
* Sylvian Mahuza (Pukke): Nóg een van die Luiperds se Jong Bokkies wat tans by dié unie gekontrakteer is.
’n Dodelike teenaanvaller uit die laaste vesting, met die soort vaart en versnelling wat sy gebrek aan grootte irrelevant maak.
* Rhyk Welgemoed (Pukke): Saam met sy ander vrinne in die Puk-lostrio, soos Stompie de Wet, HP Swart en Juan Language, het Welgemoed ’n groot rol in die Puk-prestasies gespeel.
’n Indrukwekkende baldraer waaraan die Luiperds sal wil vasklou.
* Shaun McDonald (Ikeys): Hy het verdedigers pimpel en pers gestorm – en al is sy 192 cm dalk nie slot-agtig lank nie, kan hy as losvoorspeler ’n bruikbare provinsiale speler word.
* Stefan Willemse (Madibaz): Die NMMU het in die sterk flank Chris Cloete oor ’n goeie drieëvraat beskik, maar die fisieke Willemse was dié span se anker – of dit nou op slot of flank was.
Hy is tans in die OP-Kings se kraal.
