Share

Wat 'n sl-8-ing!

Leeus-rugby het die mees opregte tekens van ’n ware oplewing in dié streek – so sprankelend aan die stertkant van ’n lang seisoen – gegee.

In dié katgeveg het een gebrul en die ander gemiaau – en wonder ’n ou hoe lank dit die Cheetahs kan vat om weer enigsins hul stem terug te kry ná die Leeus se verpletterende sege met 60-25.

Was dit nie vir die tower-tweetal van Willie le Roux en Cornal Hendricks nie, was die Cheetahs gisteraand ook sonder aanvallende vonk.

Hulle was immers reeds sonder fors in die skrums, die rolmale, by die afbreekpunte en, o ja, op die verdediging.

En hopeloos sonder dissipline.

Soveel só dat drie spelers in die koelkas moes gaan rus, onderwyl skeidsregter, Marius van der Westhuizen, met selfs nóg meer gedreig het.

En tussendeur het die Leeus partytjie gehou.

Jy het (duidelik) nie hope Springbokke nodig om steeds soos Springbokke te speel nie.

Lionel Mapoe, daardie onderskatte vleuel, se bydrae tot die partytjie was ’n driekuns aan drieë in sy 50ste wedstryd.

Elton Jantjies is ’n Springbok, maar het vir ’n slag ook soos een gelyk.

Vry van druk en dankbaar vir die geleentheid om die wedstryd te begin – was hy planmaker, spelbreker, stelskopper en meer, dae voordat hy op rugbyvakansie na Japan vertrek.

Hy was dít in ’n span wat elkeen sy deel gedoen het.

Anders kon dit vanjaar kwalik, want van sterre had die Leeus mos nie veel nie.

Altans, nie tot nou nie.

Rateltaai Jaco Kriel, Warwick Tecklenburg en kaptein-kanniedood, Warren Whiteley, het ’n ongevestigde Cheetahs-lostrio van die veld gespeel.

En ’n jong maar gevestigde Leeus-voorry het die Cheetahs so pap geskrum dat Coenie Oosthuizen later ook raad-op in ’n geelkaart vasgekyk het.

Sy verwoester was Schalk van der Merwe, wat eens op ’n tyd nie die Cheetahs-span kon haal nie.

En dis hoe dit is vir Leeus-rugby nou.

Heelparty “niemands” het “iemand” geword, tot op ’n punt wat goeie teenstand soos dié skouspelagtig aan flarde gehardloop word.

Ja, wanneer laas kon Leeus-ondersteuners nie wag vir Super-rugby om wéér te begin nie?

Na gister se agt-drieë maaltyd neem almal kennis.

Dit met die wete dat die Leeus se sewe oorwinnings selfs die eens magtige Bulle se Super-poging vanjaar ewenaar.

Dít sê al klaar baie.

En net een minder is as sommige van die spanne wat volgende week uitkloprugby speel!

Op Ellispark vanoggend, tussen die Cheetah-velle deur, lê die vonkelwynproppe van ’n Leeus-span wat van hier af mos net een rigting ken.

Voorwaarts!


Die Cheetahs-blits Cornal Hendricks loop hom gisteraand vas teen Ross Cronjé. | Foto: Duif du Toit/Gallo Images

We live in a world where facts and fiction get blurred
Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.
Join News24 today
heading
description
username
Show Comments ()
Voting Booth
Do you think corruption-accused National Assembly Speaker Nosiviwe Mapisa-Nqakula will survive a motion of no confidence against her?
Please select an option Oops! Something went wrong, please try again later.
Results
No, her days are numbered
41% - 552 votes
Yes, the ANC caucus will protect her
59% - 795 votes
Vote
Rand - Dollar
18.88
+0.3%
Rand - Pound
23.85
+0.2%
Rand - Euro
20.39
+0.2%
Rand - Aus dollar
12.33
+0.1%
Rand - Yen
0.12
+0.2%
Platinum
908.05
0.0%
Palladium
1,014.94
0.0%
Gold
2,232.75
-0.0%
Silver
24.95
-0.1%
Brent Crude
87.00
+1.8%
Top 40
68,346
0.0%
All Share
74,536
0.0%
Resource 10
57,251
0.0%
Industrial 25
103,936
0.0%
Financial 15
16,502
0.0%
All JSE data delayed by at least 15 minutes Iress logo
Editorial feedback and complaints

Contact the public editor with feedback for our journalists, complaints, queries or suggestions about articles on News24.

LEARN MORE