Publications
Partners
Met súlke rugby gaan die Leeus hul ondersteuners uit hul gate laat kruip en teruglok Ellispark toe!
Die Leeus het in ’n fees van drieë nege keer gaan druk teenoor die drie van die Kings.
Van dié nege drieë het die woelwater-flank Jaco Kriel twee bygedra. Die Blitsbok Kwagga Smith het sy Curriebeker-buiging in die tweede helfte ook met ’n drie gevier.
Die Leeus speel positiewe, konstruktiewe rugby en die giftige agterlyn hou daarvan om die bal rond te slinger.
Die Leeus het ’n gedugte pak, met ’n lostrio – die kaptein Warren Whiteley, Derick Minnie, Kriel én die plaasvervanger Willie Britz – wat met die bestes in Suid-Afrika kan saamgesels.
Whiteley, waarskynlik die mees onderskatte agtsteman in Suid-Afrikaanse rugby, het sy insluiting in die Springbokgroep in die plek van die beseerde Willem Alberts met nóg ’n spog-vertoning gevier.
Op sy beurt het Minnie soos altyd die donkiewerk gedoen, terwyl Britz seepglad ingeskakel het toe hy Kriel in die tweede helfte vervang het.
Die 20-jarige Jaco van der Walt, wat die beseerde Springbok-losskakel Marnitz Boshoff in die Leeus se beginspan vervang het, het weer met eer uit die stryd getree. Hy het met ’n paar skoppe pale toe verbrou, maar was andersins puik.
Van der Walt het met ’n strafskop en ses doelskoppe vir 15 punte geslaag.
Die Kings het eerste bloed geruik toe die vleuel Ronnie Cooke vroeg in die wedstryd ’n hanteerfout van die Leeus uitgebuit en gaan druk het.
Die Leeus het egter oomblikke ná die afskop teruggeslaan met ’n drie deur die senter Stokkies Hanekom.
Die besoekers se moeilikkheid het begin toe hul flank Themelani Bholi ’n geelkaart ontvang het.
In die tien minute dat hy langs die kantlyn was, het die Leeus twee drieë gedruk.
* Punte:
Leeus: 60 (25): Drieë: Jaco Kriel (2), Stokkies Hanekom, Robbie Coetzee, Ruan Combrick, Derick Minnie, Willie Britz, Andries Coetzee, Kwagga Smith. Doelskoppe: Jaco van der Walt (6). Strafdoel: Van der Walt.
Kings 19 (7): Drieë: Ronnie Cooke, Aidon Davids, Scott van Breda. Doelskoppe: Gary van Aswegen, Van Breda.
Stokkies Hanekom druk gister een van die Leeus se nege drieë. Foto: DUIF DU TOIT/GALLO IMAGES
Die Leeus het in ’n fees van drieë nege keer gaan druk teenoor die drie van die Kings.
Van dié nege drieë het die woelwater-flank Jaco Kriel twee bygedra. Die Blitsbok Kwagga Smith het sy Curriebeker-buiging in die tweede helfte ook met ’n drie gevier.
Die Leeus speel positiewe, konstruktiewe rugby en die giftige agterlyn hou daarvan om die bal rond te slinger.
Die Leeus het ’n gedugte pak, met ’n lostrio – die kaptein Warren Whiteley, Derick Minnie, Kriel én die plaasvervanger Willie Britz – wat met die bestes in Suid-Afrika kan saamgesels.
Whiteley, waarskynlik die mees onderskatte agtsteman in Suid-Afrikaanse rugby, het sy insluiting in die Springbokgroep in die plek van die beseerde Willem Alberts met nóg ’n spog-vertoning gevier.
Op sy beurt het Minnie soos altyd die donkiewerk gedoen, terwyl Britz seepglad ingeskakel het toe hy Kriel in die tweede helfte vervang het.
Die 20-jarige Jaco van der Walt, wat die beseerde Springbok-losskakel Marnitz Boshoff in die Leeus se beginspan vervang het, het weer met eer uit die stryd getree. Hy het met ’n paar skoppe pale toe verbrou, maar was andersins puik.
Van der Walt het met ’n strafskop en ses doelskoppe vir 15 punte geslaag.
Die Kings het eerste bloed geruik toe die vleuel Ronnie Cooke vroeg in die wedstryd ’n hanteerfout van die Leeus uitgebuit en gaan druk het.
Die Leeus het egter oomblikke ná die afskop teruggeslaan met ’n drie deur die senter Stokkies Hanekom.
Die besoekers se moeilikkheid het begin toe hul flank Themelani Bholi ’n geelkaart ontvang het.
In die tien minute dat hy langs die kantlyn was, het die Leeus twee drieë gedruk.
* Punte:
Leeus: 60 (25): Drieë: Jaco Kriel (2), Stokkies Hanekom, Robbie Coetzee, Ruan Combrick, Derick Minnie, Willie Britz, Andries Coetzee, Kwagga Smith. Doelskoppe: Jaco van der Walt (6). Strafdoel: Van der Walt.
Kings 19 (7): Drieë: Ronnie Cooke, Aidon Davids, Scott van Breda. Doelskoppe: Gary van Aswegen, Van Breda.
Stokkies Hanekom druk gister een van die Leeus se nege drieë. Foto: DUIF DU TOIT/GALLO IMAGES
