Publications
Partners
Aan die vooraand van Kersfees het oudpres. Nelson Mandela Saterdagaand sy 14de aand in die hospitaal deurgebring.
Hy is twee weke gelede weens ’n longinfeksie en galstene opgeneem.
Pres. Jacob Zuma het hom gister in die Mediclinic-harthospitaal in Pretoria besoek.
Zuma het rustig gelyk en die enkele mense in die ontvangsgebied vriendelik gegroet toe hy uitloop.
Die presidensie het gistermiddag in ’n verklaring gesê Mandela reageer steeds op behandeling. “Ons vra Suid-Afrikaners om in hierdie tyd voort te gaan om vir ons geliefde Madiba te bid,” het Zuma in die verklaring gesê.
Zuma het sy toespraak by die afsluiting van die ANC se leiersberaad in Bloemfontein Donderdag gebruik om te sê Mandela was die laaste tyd ernstig siek. Tog verbeter sy toestand geleidelik, het Zuma bygevoeg.
Die 94-jarige Mandela is aanvanklik vir ’n longinfeksie behandel en het verlede Saterdag ook ’n prosedure ondergaan om galstene te verwyder.
Sedert hy in 1990 vrygelaat is, is dit die langste wat Mandela in die hospitaal was.
“Soos ons almal weet, is Madiba ’n ongeëwenaarde vegter en was nog altyd een,” het Zuma Donderdag gesê.
“Hy het al sy gesondheidsuitdagings met geweldige dapperheid en krag tegemoetgegaan.
“Hy waardeer die steun van die hele nasie in hierdie moeilike tyd.”
Hy is twee weke gelede weens ’n longinfeksie en galstene opgeneem.
Pres. Jacob Zuma het hom gister in die Mediclinic-harthospitaal in Pretoria besoek.
Zuma het rustig gelyk en die enkele mense in die ontvangsgebied vriendelik gegroet toe hy uitloop.
Die presidensie het gistermiddag in ’n verklaring gesê Mandela reageer steeds op behandeling. “Ons vra Suid-Afrikaners om in hierdie tyd voort te gaan om vir ons geliefde Madiba te bid,” het Zuma in die verklaring gesê.
Zuma het sy toespraak by die afsluiting van die ANC se leiersberaad in Bloemfontein Donderdag gebruik om te sê Mandela was die laaste tyd ernstig siek. Tog verbeter sy toestand geleidelik, het Zuma bygevoeg.
Die 94-jarige Mandela is aanvanklik vir ’n longinfeksie behandel en het verlede Saterdag ook ’n prosedure ondergaan om galstene te verwyder.
Sedert hy in 1990 vrygelaat is, is dit die langste wat Mandela in die hospitaal was.
“Soos ons almal weet, is Madiba ’n ongeëwenaarde vegter en was nog altyd een,” het Zuma Donderdag gesê.
“Hy het al sy gesondheidsuitdagings met geweldige dapperheid en krag tegemoetgegaan.
“Hy waardeer die steun van die hele nasie in hierdie moeilike tyd.”
