Publications
Partners
Nie eens Usain Bolt hardloop vinnig genoeg om ’n motor in te haal nie, maar dit is wat van die verkeerspolisie op Musina verwag word.
Die verkeerspolisie van dié dorp in Limpopo moet deesdae hul werk te voet doen omdat hulle nie meer voertuie het nie.
City Press, Rapport se susterkoerant, het die afgelope week ses verkeerspolisielede teëgekom wat onder ’n boom in die middedorp van Musina sit, beurte maak om motors te probeer keer en dan agter die motors aanhardloop wat nie stilhou nie.
“Chief, dié motoriste weet deesdae ons het nie motors nie, so hulle stop net nie meer vir ons nie,” het een gesê.
“Ons hardloop agter hulle aan en hoop hulle sal dalk in die verkeer vassit sodat ons hulle kan inhaal.
“Ek soek ’n ander werk, ek kan nie so werk nie.
“Dis ’n grap. Ons het drie maande laas motors gehad. Toe het ons vier motors gehad, maar hulle is almal weggestuur om reggemaak te word.
“Dis ’n ernstige saak. Hoe reageer jy op ongelukke as jy nie ’n motor het nie?
“Daar is gereeld ongelukke en ons kan nie help nie. Dit is regtig ’n treurige storie.
“Ek verneem ons sal eers in die nuwe boekjaar motors kry.”
Wilson Dzebo, munisipale woordvoerder, het bevestig drie van Musina se verkeerspolisievoertuie het onklaar geraak en die ander was in ’n ongeluk.
“Hulle patrolleer nou die strate te voet omdat ons ’n ernstige tekort aan motors het. Patrollering is in elk geval deel van hul pligte.
“Ons sal volgende maand, aan die begin van die nuwe boekjaar, vier nuwe motors koop.”
Volgens Dzebo het hulle intussen drie motors gehuur om die druk te verlig.
Maar ’n verkeerspolisielid sê sy het dié motors nog nie met ’n oog gewaar nie.
Die verkeerspolisie van dié dorp in Limpopo moet deesdae hul werk te voet doen omdat hulle nie meer voertuie het nie.
City Press, Rapport se susterkoerant, het die afgelope week ses verkeerspolisielede teëgekom wat onder ’n boom in die middedorp van Musina sit, beurte maak om motors te probeer keer en dan agter die motors aanhardloop wat nie stilhou nie.
“Chief, dié motoriste weet deesdae ons het nie motors nie, so hulle stop net nie meer vir ons nie,” het een gesê.
“Ons hardloop agter hulle aan en hoop hulle sal dalk in die verkeer vassit sodat ons hulle kan inhaal.
“Ek soek ’n ander werk, ek kan nie so werk nie.
“Dis ’n grap. Ons het drie maande laas motors gehad. Toe het ons vier motors gehad, maar hulle is almal weggestuur om reggemaak te word.
“Dis ’n ernstige saak. Hoe reageer jy op ongelukke as jy nie ’n motor het nie?
“Daar is gereeld ongelukke en ons kan nie help nie. Dit is regtig ’n treurige storie.
“Ek verneem ons sal eers in die nuwe boekjaar motors kry.”
Wilson Dzebo, munisipale woordvoerder, het bevestig drie van Musina se verkeerspolisievoertuie het onklaar geraak en die ander was in ’n ongeluk.
“Hulle patrolleer nou die strate te voet omdat ons ’n ernstige tekort aan motors het. Patrollering is in elk geval deel van hul pligte.
“Ons sal volgende maand, aan die begin van die nuwe boekjaar, vier nuwe motors koop.”
Volgens Dzebo het hulle intussen drie motors gehuur om die druk te verlig.
Maar ’n verkeerspolisielid sê sy het dié motors nog nie met ’n oog gewaar nie.
