Publications
Partners
’n Belangrike deel van Oscar Pistorius se verdediging gaan waarskynlik fokus op die gevaarlike wêreld wat mense met gestremdhede elke dag in die gesig staar.
’n Top-regsverteenwoordiger het aan City Press, susterkoerant van Rapport, gesê Pistorius kan die tronk heeltemal vermy, sou hy skuldig bevind word... maar dan moet sy regspan suksesvol kan bewys “wat die perspektief van ’n man sonder bene is”.
Dr. Brian Watermeyer, ’n kliniese sielkundige en navorser, asook aktivis in die veld van studies oor gestremdhede, sê Suid-Afrika is ’n gemeenskap “waar baie energie bestee word om te dink oor rasse- en geslagsongelykhede, maar ons het nog nie begin dink aan vooroordele oor gestremdhede nie”.
Volgens hom word die menseregte van mense met gestremdhede elke dag aangetas omdat ons in ’n wêreld leef wat “ontwerp” is vir mense sonder gestremdhede.
Dit is dus nie onredelik vir mense met gestremdhede om ’n persepsie te ontwikkel dat die wêreld “potensiaal gevaarlik” is nie.
Pistorius se moordverhoor sal na verwagting weer môre begin.
Die Bloemfonteinse sielkundige prof. Jan Botha gaan eerste getuig.
Hoewel dit gewoonlik die beskuldigde is wat eerste deur die verdediging ingeroep word, het Botha gevra om eerste te getuig om persoonlike redes.
Die staat het dit so aanvaar en gaan nie die volgorde van die getuies bevraagteken nie, op voorwaarde dat Pistorius net ná Botha getuig.
Botha was nie deel van die ondersoek wat op Reeva Steenkamp gedoen is nie. Bronne sê hy is genader om kommentaar te lewer op sekere deurslaggewende aspekte van die staat se saak.
Die naam van een van Pistorius se bure, wat selfs nader aan hom woon as diegene wat deur die staat ingeroep is om te getuig, is ook op die lys.
Adv. Gerrie Nel, vir die staat, het nie dié buurman as ’n getuie benut nie – dalk omdat die buurman gaan getuig dat dit Pistorius was wat hy op 14 Februarie verlede jaar hoor gil het, en nié Steenkamp nie.
Volgens City Pressse bronne het die verdediging ook ’n Amerikaanse forensiese maatskappy in Cleveland, Ohio, gekontak.
’n Top-regsverteenwoordiger het aan City Press, susterkoerant van Rapport, gesê Pistorius kan die tronk heeltemal vermy, sou hy skuldig bevind word... maar dan moet sy regspan suksesvol kan bewys “wat die perspektief van ’n man sonder bene is”.
Dr. Brian Watermeyer, ’n kliniese sielkundige en navorser, asook aktivis in die veld van studies oor gestremdhede, sê Suid-Afrika is ’n gemeenskap “waar baie energie bestee word om te dink oor rasse- en geslagsongelykhede, maar ons het nog nie begin dink aan vooroordele oor gestremdhede nie”.
Volgens hom word die menseregte van mense met gestremdhede elke dag aangetas omdat ons in ’n wêreld leef wat “ontwerp” is vir mense sonder gestremdhede.
Dit is dus nie onredelik vir mense met gestremdhede om ’n persepsie te ontwikkel dat die wêreld “potensiaal gevaarlik” is nie.
Pistorius se moordverhoor sal na verwagting weer môre begin.
Die Bloemfonteinse sielkundige prof. Jan Botha gaan eerste getuig.
Hoewel dit gewoonlik die beskuldigde is wat eerste deur die verdediging ingeroep word, het Botha gevra om eerste te getuig om persoonlike redes.
Die staat het dit so aanvaar en gaan nie die volgorde van die getuies bevraagteken nie, op voorwaarde dat Pistorius net ná Botha getuig.
Botha was nie deel van die ondersoek wat op Reeva Steenkamp gedoen is nie. Bronne sê hy is genader om kommentaar te lewer op sekere deurslaggewende aspekte van die staat se saak.
Die naam van een van Pistorius se bure, wat selfs nader aan hom woon as diegene wat deur die staat ingeroep is om te getuig, is ook op die lys.
Adv. Gerrie Nel, vir die staat, het nie dié buurman as ’n getuie benut nie – dalk omdat die buurman gaan getuig dat dit Pistorius was wat hy op 14 Februarie verlede jaar hoor gil het, en nié Steenkamp nie.
Volgens City Pressse bronne het die verdediging ook ’n Amerikaanse forensiese maatskappy in Cleveland, Ohio, gekontak.
