Publications
Partners
Lesers van Rapport kry volgende Sondag ’n gratis geskenk saam met die week se nuus.
’n DVD met stories van die supergewilde kinderprogram Tjiff & Tjaff word spesiaal vir die jongspan ingesluit.
Hierdie koddige grasgroen karakters is tweelingboeties met pienk wangetjies wat saam avonture meemaak op kykNET en kykNET & Kie se kinderaanbieding, vroegoggend en laatmiddag.
Tjiff en Tjaff, wat vroeër op Koowee te sien was, was van meet af aan ’n gunsteling onder jong kinders.
Jaco Loubser van Homebrew, die vervaardiger, sê: “Dis verreweg die suksesvolste kinderprogram wat ons nóg vervaardig het.
“Dit is fantasie-karakters wat Afrikaans praat. Ons wou ’n neutrale aanslag hê sodat kinders van enige etniese groep en albei geslagte aanklank sal vind.”
Die program is vertaal in Engels, Sotho en Zoeloe.
Volgens Maryke Allers, mediabestuurder van kykNET, het Tjiff en Tjaff geen bang haar op hul koppe nie. Die twee karakters gaan op uitstappies, doen skeppende projekte, speel speletjies en maak graag verrassingspakkies oop wat hulle van ’n denkbeeldige maatjie, Lulu, ontvang.
Volgens Loubser is die program, wat al vyf jaar oud is, só gewild dat die karakters deesdae ook “ ’n lewe daar buite” geniet.
Tjiff en Tjaff word genooi na kinderpartytjies en woon feeste en skoolgeleenthede by.
Daar is ’n groot behoefte aan Afrikaanse kinderprogramme van dieselfde gehalte as hul internasionale eweknieë, sê Loubser.
Hansie Visagie, wat die storie en karakters ontwikkel het, wou graag iets vir kinders aanbied waar die fokus daarop is om mekaar te help en om nuuskierig te bly.
“Toe ek klein was, het ons graag gesê ons is chuffed met iets as ons daarvan hou. So het die naam Tjaff ontstaan.
“Ek wou hê Tjaff moet ’n maatjie hê, daarom is sy tweelingboetie, Tjiff, gemaak. Tjaff is baie slim en Tjiff is so ’n bietjie stadiger,” sê Visagie.
Mynie Grové sing die temalied.
’n DVD met stories van die supergewilde kinderprogram Tjiff & Tjaff word spesiaal vir die jongspan ingesluit.
Hierdie koddige grasgroen karakters is tweelingboeties met pienk wangetjies wat saam avonture meemaak op kykNET en kykNET & Kie se kinderaanbieding, vroegoggend en laatmiddag.
Tjiff en Tjaff, wat vroeër op Koowee te sien was, was van meet af aan ’n gunsteling onder jong kinders.
Jaco Loubser van Homebrew, die vervaardiger, sê: “Dis verreweg die suksesvolste kinderprogram wat ons nóg vervaardig het.
“Dit is fantasie-karakters wat Afrikaans praat. Ons wou ’n neutrale aanslag hê sodat kinders van enige etniese groep en albei geslagte aanklank sal vind.”
Die program is vertaal in Engels, Sotho en Zoeloe.
Volgens Maryke Allers, mediabestuurder van kykNET, het Tjiff en Tjaff geen bang haar op hul koppe nie. Die twee karakters gaan op uitstappies, doen skeppende projekte, speel speletjies en maak graag verrassingspakkies oop wat hulle van ’n denkbeeldige maatjie, Lulu, ontvang.
Volgens Loubser is die program, wat al vyf jaar oud is, só gewild dat die karakters deesdae ook “ ’n lewe daar buite” geniet.
Tjiff en Tjaff word genooi na kinderpartytjies en woon feeste en skoolgeleenthede by.
Daar is ’n groot behoefte aan Afrikaanse kinderprogramme van dieselfde gehalte as hul internasionale eweknieë, sê Loubser.
Hansie Visagie, wat die storie en karakters ontwikkel het, wou graag iets vir kinders aanbied waar die fokus daarop is om mekaar te help en om nuuskierig te bly.
“Toe ek klein was, het ons graag gesê ons is chuffed met iets as ons daarvan hou. So het die naam Tjaff ontstaan.
“Ek wou hê Tjaff moet ’n maatjie hê, daarom is sy tweelingboetie, Tjiff, gemaak. Tjaff is baie slim en Tjiff is so ’n bietjie stadiger,” sê Visagie.
Mynie Grové sing die temalied.
