Publications
Partners
Ritmes van ons lyf: Op reis met intimiteit deur Christina Landman, Nicki Spies en Ralph Barnard. Uitgewer: Naledi. Prys: R176. Resensent: Riette Rust
* Die boek kan hier bestel word, en die e-boek hier.
In Ritmes van ons lyf (Naledi, 2014) gee drie kenners raad oor hoe jy en jou maat weer op dieselfde seksuele ritme kan dans.
Afrikaanse niefiksie oor seks is beslis nodig, want in baie verhoudings skiet kommunikasie oor intimiteit steeds tekort. In dié boek is daar onder meer nuttige raad aan vroue wat sukkel om ’n orgasme te kry en aan mans wat ’n lae libido het, maar soms is die oplossings ’n bietjie simplisties. Die skrywers kon byvoorbeeld meer as net die druktegniek vir premature ejakulasie voorgestel het.
Ook sou die handleiding baat gevind het by ’n veel strenger redakteurshand. Te veel akademiese woorde het byvoorbeeld deurgeglip: Opwekkingstemplaat, matris, gedagte-konstruksie en ruilkommoditeit hoort nie in ’n boek soos dié nie.
Soms word terme ingespan sonder dat die betekenis verduidelik word, soos “gefragmenteerde geheuefunksies” en “dissosiatiewe persoonlikheidsteuring”.
Dit is egter die eindelose setfoute wat die meeste pla. Om enkeles te noem: “boumateraal” (bl. 49), “sommmer” (bl. 106), “verkeie” (bl. 47 en bl. 148) en “hy kon die trane in sy voel brand” (bl. 176).
Die kenners skryf redelik oopkop.
Só lees jy byvoorbeeld daar staan nêrens in die Bybel seks buite die huwelik is sonde nie. Ook dat seksuele selfsorg (masturbasie) aanbeveel word. Ongelukkig skemer onnodige konserwatisme steeds deur in ’n stelling soos: “Die ideale vrou is ’n tuisteskepper.” Een skrywer praat selfs van ’n paartjie wat “dit (seks) met mekaar moet doen”.
Eienaardig genoeg kom “penis” en “vagina” bykans nooit voor nie. Jy sal eerder grillerige plaasvervangers teëkom, soos “geslagsorgane”, “plek van plesier”, “genitalieë”, “genotbos” en “meneer” (vir ’n penis). Ook kru woorde, waaronder “jags” en “ry” (vir seks). Verder lees jy vroue moet hul seksualiteit gemiddeld 16 jaar “behartig” voordat hulle trou.
Veral Landman sorg gereeld vir ’n glimlag. Sy skryf met humor en insig en haar raad is boonop prakties.
As jy baie min van seks weet of dalk seksuele of verhoudingsprobleme het, sal jy baat kan vind by dié boek.
Riette Rust is die skrywer van Die AA tot OE van seks (Tafelberg, 2013).
* Die boek kan hier bestel word, en die e-boek hier.
In Ritmes van ons lyf (Naledi, 2014) gee drie kenners raad oor hoe jy en jou maat weer op dieselfde seksuele ritme kan dans.
Afrikaanse niefiksie oor seks is beslis nodig, want in baie verhoudings skiet kommunikasie oor intimiteit steeds tekort. In dié boek is daar onder meer nuttige raad aan vroue wat sukkel om ’n orgasme te kry en aan mans wat ’n lae libido het, maar soms is die oplossings ’n bietjie simplisties. Die skrywers kon byvoorbeeld meer as net die druktegniek vir premature ejakulasie voorgestel het.
Ook sou die handleiding baat gevind het by ’n veel strenger redakteurshand. Te veel akademiese woorde het byvoorbeeld deurgeglip: Opwekkingstemplaat, matris, gedagte-konstruksie en ruilkommoditeit hoort nie in ’n boek soos dié nie.
Soms word terme ingespan sonder dat die betekenis verduidelik word, soos “gefragmenteerde geheuefunksies” en “dissosiatiewe persoonlikheidsteuring”.
Dit is egter die eindelose setfoute wat die meeste pla. Om enkeles te noem: “boumateraal” (bl. 49), “sommmer” (bl. 106), “verkeie” (bl. 47 en bl. 148) en “hy kon die trane in sy voel brand” (bl. 176).
Die kenners skryf redelik oopkop.
Só lees jy byvoorbeeld daar staan nêrens in die Bybel seks buite die huwelik is sonde nie. Ook dat seksuele selfsorg (masturbasie) aanbeveel word. Ongelukkig skemer onnodige konserwatisme steeds deur in ’n stelling soos: “Die ideale vrou is ’n tuisteskepper.” Een skrywer praat selfs van ’n paartjie wat “dit (seks) met mekaar moet doen”.
Eienaardig genoeg kom “penis” en “vagina” bykans nooit voor nie. Jy sal eerder grillerige plaasvervangers teëkom, soos “geslagsorgane”, “plek van plesier”, “genitalieë”, “genotbos” en “meneer” (vir ’n penis). Ook kru woorde, waaronder “jags” en “ry” (vir seks). Verder lees jy vroue moet hul seksualiteit gemiddeld 16 jaar “behartig” voordat hulle trou.
Veral Landman sorg gereeld vir ’n glimlag. Sy skryf met humor en insig en haar raad is boonop prakties.
As jy baie min van seks weet of dalk seksuele of verhoudingsprobleme het, sal jy baat kan vind by dié boek.
Riette Rust is die skrywer van Die AA tot OE van seks (Tafelberg, 2013).
