Publications
Partners
’n Amptenaar van die departement van gesondheid het onlangs gesê meer as ’n derde van Suid-Afrikaanse vroue is teen die tyd dat hulle 19 is swanger. Maar is dit waar?
Africacheck.org stel ondersoek in:
“Die departement (van gesondheid) bly bekommerd oor die hoë koers van tienerswangerskappe, met meer as ’n derde van Suid-Afrikaanse vroue wat teen die tyd dat hulle 19 is geboorte gee,” het Sam Mkhwanazi, die departement van gesondheid se woordvoerder, onlangs gesê.
Die klaarblyklike bron vir dié stukkie inligting is ’n demografie-en-gesondheidspeiling wat in 1998 deur die departement van gesondheid gedoen is. Gegrond op dié navorsing lyk dit of Mkhwanazi se uitspraak min of meer reg is: 30,2% – of amper ’n derde – van 19-jarige vroue het reeds ’n baba gehad. Dit is nie méér as ’n derde, soos Mkhwanazi gesê het nie. (Die data verwys ook net na 19-jariges in 1998.)
’n Tweede demografie- en-gesondheidspeiling is in 2003 gedoen en dit toon ’n verlaging van sewe persentasiepunte (tot 23%) in die getal 19-jariges wat ’n baba gehad het.
Dié statistieke word egter bevraagteken. Die navorsingsmaatskappy wat die veldwerk gedoen het, het nie genoeg ondervinding gehad in die insameling van data nie, sê Diego Ituralde, bestuurder van demografiese analise by Statistieke Suid-Afrika.
Gevolgtrekking: Tienerswangerskap is hoog, maar die uitspraak is verkeerd op twee vlakke:
Eerstens kan ’n mens nie praat van “Suid-Afrikaanse vroue” in die algemeen as die data net verwys na 19-jariges nie. Tweedens is dit gegrond op data wat amper 16 jaar oud is.
Meer onlangse data toon dié syfer daal.
Africacheck.org stel ondersoek in:
“Die departement (van gesondheid) bly bekommerd oor die hoë koers van tienerswangerskappe, met meer as ’n derde van Suid-Afrikaanse vroue wat teen die tyd dat hulle 19 is geboorte gee,” het Sam Mkhwanazi, die departement van gesondheid se woordvoerder, onlangs gesê.
Die klaarblyklike bron vir dié stukkie inligting is ’n demografie-en-gesondheidspeiling wat in 1998 deur die departement van gesondheid gedoen is. Gegrond op dié navorsing lyk dit of Mkhwanazi se uitspraak min of meer reg is: 30,2% – of amper ’n derde – van 19-jarige vroue het reeds ’n baba gehad. Dit is nie méér as ’n derde, soos Mkhwanazi gesê het nie. (Die data verwys ook net na 19-jariges in 1998.)
’n Tweede demografie- en-gesondheidspeiling is in 2003 gedoen en dit toon ’n verlaging van sewe persentasiepunte (tot 23%) in die getal 19-jariges wat ’n baba gehad het.
Dié statistieke word egter bevraagteken. Die navorsingsmaatskappy wat die veldwerk gedoen het, het nie genoeg ondervinding gehad in die insameling van data nie, sê Diego Ituralde, bestuurder van demografiese analise by Statistieke Suid-Afrika.
Gevolgtrekking: Tienerswangerskap is hoog, maar die uitspraak is verkeerd op twee vlakke:
Eerstens kan ’n mens nie praat van “Suid-Afrikaanse vroue” in die algemeen as die data net verwys na 19-jariges nie. Tweedens is dit gegrond op data wat amper 16 jaar oud is.
Meer onlangse data toon dié syfer daal.
