Publications
Partners
Die Nigeriese “profeet” TB Joshua het verlede September met Bosede Olusola-Obasa van die Nigeriese koerant ‘Punch’ gepraat oor die omstredenheid rondom sy persoon en sy Synagogue Church-bediening.
Hoekom is jou bediening gewilder buite Nigerië as binne die land?
Soos die Bybel sê, word ’n profeet nie in sy eie land geëer nie. Ek mag dalk nie aanvaar word deur sommige in Nigerië nie, maar my aanvaarding in die wêreld het my wêreldwyd nog gewilder gemaak. As jy die mense tel wat saam met my werk, is die persentasie van Nigeriërs maar sowat 10%.
Wat is die aantrekkingskrag wat selfs regeringsleiers na jou kerk toe laat kom? God is die een wat die mense uitnooi. As jy dit op jouself neem, sal mense wat God nie verwag het nie daar opdaag en dan is daar moeilikheid. Maar as jy die reklamewerk aan God oorlaat, sal daar vrede en kalmte wees. Party sê “daardie kerk is duiwels”. En dít maak ander nuuskierig om te kom sien hoe die duiwel lyk. Party sit donkerbrille op of vermom hulle... Maar voor die diens oor is, sal baie van diegene voor kom sit. Húlle word uiteindelik my gebedskrygers.
Jy is bekend vir jou vrygewigheid. Maar hoekom vra jy mense om dié geskenke op regstreekse TV-uitsendings te vertoon? Ons doen dit ten einde ander aan te spoor om dieselfde te doen. Party is fisiek gestrem of hulpbehoewendes wat nie eens bankrekeninge het nie. Ons móét hulle dus kontant gee.
Maar mens sien nie sulke dinge in ander kerke nie? Elke Godsman het sy eie gewoonte. Gewoonte is ’n geskenk van die Here. Soos Daniël wat sy venster oopmaak wanneer hy wil bid. Jesus se dissipels het ses keer ’n dag gebid. Wanneer mense sien wat ons doen, leer hulle om goeie skenkers te wees. As jy alles privaat doen, waaroor sal mense dan skryf?
Jy sê God praat met jou. Hoe praat hy met jou? Geloof moet eers in die hart wees voordat God jou gebed of versoek sal aanvaar.
Hoe kom die profesieë wat jy verkondig na jou toe? Geloof is ’n kanaal waardeur salwing vloei. As jy geloof in jou hart het, kan jy jou oë toemaak en ’n vraag vra oor wat in die wêreld aangaan. Voor jy jou kom kry, sal jy die visioen sien. Mens kan geloof meet: diep, dieper en diepste geloof. Ons is nie almal op dieselfde vlak nie.
Baie mense dink nie jy glo in Jesus Christus nie, maar dat jy aan ’n sekte behoort. Wat is die bron van jou mag? Jou vraag is vreemd. Mens kry nie mag nie – wat ons het, is geloof. Die mag in ons lewe word deur geloof by ons monde vrygestel. As jy nie geloof het nie, sal mag dormant bly. Só het die dissipels mag gehad, maar nie die geloof om dit vry te stel nie.
Uit die perd se bek uit: Wie is jy?
Nigeriërs kan my nie vertel wie ek is nie. Die persentasie van my mense wêreldwyd is meer as dié in Nigerië. Ek word oor die wêreld heen gehuldig. Kyk op die internet: My Emmanuel-TV word die meeste na gekyk. Vergeet daarvan om almal oor te haal. Selfs Jesus kon nie almal se siele wen nie.
Glo jy in Jesus Christus? “Christen” is ’n titel. Slegs God weet wie hom dien. ’n Mangoboom dra nie kokosneute nie. Dít waarin jy glo, straal uit om jou.
Jy kan glo die uitslag van sokkerwedstryde voorspel. Hoe ver gaan Nigerië vorder in die Wêreldbeker (in Brasilië, 2014)? Ek kan nie nou al sê nie. Ek sal julle my profetiese boodskap gee wanneer dit na my toe kom.
Hoekom is jou bediening gewilder buite Nigerië as binne die land?
Soos die Bybel sê, word ’n profeet nie in sy eie land geëer nie. Ek mag dalk nie aanvaar word deur sommige in Nigerië nie, maar my aanvaarding in die wêreld het my wêreldwyd nog gewilder gemaak. As jy die mense tel wat saam met my werk, is die persentasie van Nigeriërs maar sowat 10%.
Wat is die aantrekkingskrag wat selfs regeringsleiers na jou kerk toe laat kom? God is die een wat die mense uitnooi. As jy dit op jouself neem, sal mense wat God nie verwag het nie daar opdaag en dan is daar moeilikheid. Maar as jy die reklamewerk aan God oorlaat, sal daar vrede en kalmte wees. Party sê “daardie kerk is duiwels”. En dít maak ander nuuskierig om te kom sien hoe die duiwel lyk. Party sit donkerbrille op of vermom hulle... Maar voor die diens oor is, sal baie van diegene voor kom sit. Húlle word uiteindelik my gebedskrygers.
Jy is bekend vir jou vrygewigheid. Maar hoekom vra jy mense om dié geskenke op regstreekse TV-uitsendings te vertoon? Ons doen dit ten einde ander aan te spoor om dieselfde te doen. Party is fisiek gestrem of hulpbehoewendes wat nie eens bankrekeninge het nie. Ons móét hulle dus kontant gee.
Maar mens sien nie sulke dinge in ander kerke nie? Elke Godsman het sy eie gewoonte. Gewoonte is ’n geskenk van die Here. Soos Daniël wat sy venster oopmaak wanneer hy wil bid. Jesus se dissipels het ses keer ’n dag gebid. Wanneer mense sien wat ons doen, leer hulle om goeie skenkers te wees. As jy alles privaat doen, waaroor sal mense dan skryf?
Jy sê God praat met jou. Hoe praat hy met jou? Geloof moet eers in die hart wees voordat God jou gebed of versoek sal aanvaar.
Hoe kom die profesieë wat jy verkondig na jou toe? Geloof is ’n kanaal waardeur salwing vloei. As jy geloof in jou hart het, kan jy jou oë toemaak en ’n vraag vra oor wat in die wêreld aangaan. Voor jy jou kom kry, sal jy die visioen sien. Mens kan geloof meet: diep, dieper en diepste geloof. Ons is nie almal op dieselfde vlak nie.
Baie mense dink nie jy glo in Jesus Christus nie, maar dat jy aan ’n sekte behoort. Wat is die bron van jou mag? Jou vraag is vreemd. Mens kry nie mag nie – wat ons het, is geloof. Die mag in ons lewe word deur geloof by ons monde vrygestel. As jy nie geloof het nie, sal mag dormant bly. Só het die dissipels mag gehad, maar nie die geloof om dit vry te stel nie.
Uit die perd se bek uit: Wie is jy?
Nigeriërs kan my nie vertel wie ek is nie. Die persentasie van my mense wêreldwyd is meer as dié in Nigerië. Ek word oor die wêreld heen gehuldig. Kyk op die internet: My Emmanuel-TV word die meeste na gekyk. Vergeet daarvan om almal oor te haal. Selfs Jesus kon nie almal se siele wen nie.
Glo jy in Jesus Christus? “Christen” is ’n titel. Slegs God weet wie hom dien. ’n Mangoboom dra nie kokosneute nie. Dít waarin jy glo, straal uit om jou.
Jy kan glo die uitslag van sokkerwedstryde voorspel. Hoe ver gaan Nigerië vorder in die Wêreldbeker (in Brasilië, 2014)? Ek kan nie nou al sê nie. Ek sal julle my profetiese boodskap gee wanneer dit na my toe kom.
